文/圖：Ping（台語路共學團員，台語路體驗活動組員）
採訪補充：A-hiân
台文翻譯：Khîng-hong
台文顧問：陳豐惠 老師
只要有心，咱攏會當共台語講轉來！
佇台語路辦活動抑是迷眾頁，定定予人問的其中一个問題就是：「我的台語誠䆀，敢嘛會當和囡仔講台語？」見擺拄著人按呢問，同伴攏會半講笑、半正經應講：「講甲真䆀？敢有Ping䆀？伊攏有才調啊，你一定無問題！」
我知影同伴毋是咧共我剾洗，是欲予別人信心，因為我的台語真正足袂輾轉，毋過，我成功矣！
若問我講：「台語誠䆀，敢嘛會當和囡仔講台語？」我的答案是：當然會當，只要有心，咱攏有機會做甲到。
佮真濟仝沿的仝款，自細漢阮兜就是全華語，總–是序大台語講甲真輾轉，毋過佮囡仔煞自然就攏講華語，所致雖然我佇高雄大漢，毋過無啥會曉講台語。
無啥機會聽閣無機會講，這个結果就是：讀大學的時，定定拍拚講幾个台語字，閣予同學笑講到底是咧講佗一國的話，彼時連上基本的數字1-10攏讀袂齊！
因為台語講了實在有夠奇怪，阮系辦活動的時，同學閣會愛我做台語主持人，因為我講甲傷好笑，真有效果。這馬想起來，真正有淡薄仔悲哀！
2012年尾，我共穩定的頭路辭掉，去完成我的夢想─行踏全世界。這年我拄著大大細細無仝國家的人，我發現，無論是強的國家抑是聽攏無聽過的國家，逐家攏有家己的文化佮語言！
毋過，當別人想欲認捌台灣的語言文化，我按怎攏無法度說分明；逐擺別人想欲學幾句咱的語言，我共in教的，哪會是華語咧？
自彼時我就決定，我的囡仔一定愛會曉講台語，而且愛熟似台灣的歷史文化！
不而過，大環境–裡華語傷過強勢，轉–來了，為著欲共用甲空空空的口座補–轉來，就全心討趁，講華語猶是較緊、較簡單，台語程度猶原無變化。
2016尾，我的囡仔出世，菜鳥仔阿母規日無閒咧飼奶，閣愛搦屎搦尿，雖然心內有咧唸想欲做的代誌，毋過有心無力，加上無講台語的機會，除了放台語歌予囡仔聽，大部份時間嘛是攏講華語。
光陰親像風送箭，一下仔囡仔就欲度晬矣。
有一工囡仔咧睏矣，我當享受清閒的阿母時間，面冊那攄那看，突然間有一篇文章引起我的注意，予我目睭攏金起來，是佇行踏全世界的時熟似的好朋友A-hiân，分享伊佇囡仔六個月的時對華語轉全台語的心情紀錄。看煞心內足感動，這毋就是我想欲做的代誌？無憢疑隨傳訊息予–伊，表示我嘛想欲佮囡仔講台語，毋過我的程度無法度全台語⋯⋯
A-hiân真有心，分享真濟資料予–我，而且鼓勵我共全台語當做囡仔度晬的禮物，嘛邀請我參加台語共學，增加阮的台語環境。
就按呢，我予家己兩三個月台語華語透濫講的時間，紲–落開始佮囡仔、翁婿全台語，袂曉的字詞隨查字典，原本一句台語話愛講誠久，沓沓仔累積基本詞彙了後，講話就較順矣。
到今，我的囡仔已經2y3m，和我做伙接觸台語年外了後，台語已經是伊的第一語言。對照我家己大漢的過程，拄好證明「家庭語言」的重要！
毋過，這年外的時間，我予人講誠濟激骨話，厝內序大定定擋袂牢，講：「拜託你講華語就好矣！」「你敢確定欲教囡仔講台語？」「啥！連這你都袂曉，按呢是欲按怎教囡仔？」朋友聽我佮囡仔講台語，除了真客氣問我講：「是按怎想欲佮囡仔講台語？」當我說明了後表示家己台語嘛袂「輾轉」，朋友嘛會隨應講：「哈哈，著啊，我聽你嘛無啥會曉講的款。」
聽遮的話仔話栓，講無想欲放棄真正是共人騙！我四常懷疑家己敢做會到？敢有法度教囡仔，嘛煩惱囡仔會因為我的程度，台語講了無標準。
毋過，當我共遮的困擾講予共學伴聽，逐家隨分享家己的經驗來共我鼓勵。我才知影，原來團體嘛有台語講甲誠䆀的阿母，毋過因為堅持佮囡仔講台語，閣固定參加台語路共學，予囡仔有濟濟機會接觸這个語言，後來竟然講甲並阿母好！這个例予我真大的鼓勵！
一路行到今，會當跤步在在過全台語的生活，真正愛感謝共學團體的支持。我的囡仔嘛真配合，伊到1y11m才開始講話（除了爸母以外的字），予我有加一寡時間會當增加詞彙：）：）
這馬，已經有序大會笑講；「恁囝台語講甲並你標準呢～」聽著囡仔開喙佮我講台語，是予媽媽繼續堅持–落去上大的信心！
講毋著閣有機會改，無講就永遠袂曉講！
所致我想欲鼓勵遐的認為家己台語講袂好，毋過希望囡仔會曉講台語的爸母，免躊躇，即時開喙講就著矣！對幼嬰仔來講，學習語言上有效的方法就是環境，這是咱這馬猶有機會建立的。
只要願意開喙開始講，一工查幾个上捷講的字詞，學了後擺拄著彼个詞就用台語講，莫看輕逐工一點仔一點仔粒積，不知不覺會曉講的字就會愈來愈濟！
另外，聽台語歌嘛是真好的方法，我仝一片CD差不多會連紲放幾個月，囡仔學、阿母嘛綴咧學。拄開始內面唱的真濟攏聽無，聽無的就去查是啥物意思，因為囡仔歌的歌詞攏是講日常生活的，所以學起來對平常生活嘛真有幫助。
上尾，就是有團體支持的力量，逐个台語家庭其實攏有家己特色的台語路，啥物阻礙攏有人拄–著，逐家的經驗攏真寶貴，互相交流往往會當予人看清家己欲行佗一个方向。
我真感謝嘛真幸運有台語路共學的環境，逐家除了互相顧囡仔，嘛足有耐心指導佮糾正我的發音，予我行這條路的時，感覺溫暖袂孤單。雖然這馬我的台語猶無蓋「輾轉（liàn-tńg）」，毋過我會繼續和我的囡仔做伙成長！最近，我嘛欲開始佮台語路的伴做伙學羅馬字矣，相信有讀寫的能力，對我平常時聽佮講會閣較有效果。
語言真正需要環境去創造，現此時會曉講台語的人猶袂少，想欲閣起造這个環境猶原有機會，毋過若是咱無愛佮囡仔講，等二三十年過，會曉講的人會賰（tshun）偌濟？到時 若想欲共這个語言抾–轉來，恐驚就「阿婆生囝」─誠拚–咧！
失去語言佮文化等於這个族群的死亡，向望咱會當繼續共台語傳承–落去。只要你願意開始，一點一tuh用心對待，一定會看見彼蕊佇日頭跤開甲真媠的花，對咱微微仔笑。
只要有心，我們都還能把台語講回來！
台語路的活動或粉絲頁上，我們最常被問的問題之一就是：「我台語很差，也可以跟小孩講台語嗎？」
每次遇到有人這樣問，夥伴總愛半開玩笑半認真地回：「講很差？有Ping差嗎？她都可以了，你沒問題的。」
我知道夥伴不是在「剾洗（khau-sé，挖苦）」我，而是要給其他人信心，因為我的台語真的不是普通的爛！但是我做到了。
如果問我：「台語很差，也可以跟小孩講台語嗎？」我的答案是：當然可以！只要有心，我們現在都還來得及！
跟很多同輩一樣，從小我家就是全華語，長輩們即便台語很流利，不過對小孩卻都自然而然說華語，以至於我雖然在高雄長大，但卻不太會說台語。
聽得不多，加上根本沒什麼機會說，造成的結果是：上大學後，常常勉強講幾個台語字出來還會被大家笑說到底在說哪一國話，那時連最基本的數字1-10都唸不完！
因為講了一口怪腔怪調的台語，系上舉辦活動時 ，同學甚至會要我演一段用台語當主持人，因為我說的實在太好笑 ，很有戲劇效果。事後想想，實在是有種淡淡的哀傷啊。
2012年底，我辭掉穩定的工作去實現我的夢想——環遊世界。這一年我遇到了來自大大小小國家的各種人，我發現，不論是強國或是我根本沒聽過的國家，大家都有自己的文化和語言！
但是，每當別人想要瞭解臺灣的語言文化，我怎麼都無法說個清楚明白；每當別人想學幾句我們的語言，我教他們的，怎麼會是華語呢？
從那時我就決定：以後我的小孩一定要會說台語，並且瞭解台灣的歷史文化！
只是大環境華語太過強勢，回國後為了把空蕩蕩的戶頭補回來，只專注於工作，嘴巴上還是說華語比較快，台語程度依然在原地踏步。
2016年底，我的孩子出生了，新手媽媽鎮日忙著餵奶又把屎把尿，雖然心中記得我想做的事，但力不從心加上沒有練習說台語的機會，除了放台語歌給孩子聽，大部份時間還是華語為主。
就這樣光陰似箭，眼看一下子孩子就要滿周歲了。
有天孩子入睡後，我正享受媽媽的悠閒時光，臉書滑著滑著，看到了一篇讓我眼睛為之一亮的文章，是在環遊世界路上認識的台灣朋友 A-hiân，她分享了自己在孩子6個月大時從華語轉全台語的心路歷程。我看完後心中好澎湃好感動！這不就是我想做的事情嗎！
毫無猶豫立刻叮咚她訊息，表示我也想要跟孩子講台語，但是以我的程度完全無法全台語⋯⋯
A-hiân 很有心的分享很多資料給我，並且鼓勵我從一歲開始送給孩子這個禮物（全台語），也邀請我參加台語共學，增加我們的台語環境。
就這樣我給自己兩、三個月的時間台華語參半講，到後來開始練習跟小孩和先生全台語，不會的字詞馬上查字典，本來用台語表達一句話要講很久，慢慢地，基本詞彙累積之後，講話也比較順暢了。
現在，我的孩子2y3m，在和我一起接觸台語一年多之後，台語已經成為他的第一語言。對照我自己成長經驗經驗，大概剛好證明了「家庭語言」的重要性吧！
然而，一年多來，我被潑的冷水還真不少，家中長輩常常受不了：「拜託你還是講華語就好了啦！」「妳確定（以妳的程度）要教孩子講台語嗎？」「什麼，這個妳也不會？這樣是要怎麼教孩子？」⋯⋯
朋友聽到我跟小孩說台語 ，除了客氣地詢問：「為什麼會想跟小孩說台語？」，當我說明後表示自己台語也不「輾轉（liàn-tńg）」，朋友也會立即回：「哈哈 ，對啊 ，我聽妳好像也不太會講。」
這些冷言冷語聽在耳裡，說沒有想過要放棄是騙人的！我不止一次懷疑自己做不做的到？有沒有辦法教小孩？也擔心小孩會因為我的關係，所以台語說得不標準。
不過，當我把這些困擾跟共學夥伴說以後，大家馬上搬出各自的經驗來鼓勵我。我才知道，原來團裡也同樣有台語說很差的媽媽，但因為堅持和孩子講，並固定參加台語路共學，孩子有機會大量接觸這個語言，所以後來竟然說的比媽媽好！這個例子大大鼓勵到我。
一路走來，之所以能站穩腳步繼續全台語的生活，真的要感謝共學團體的支持。我的孩子也很配合，他到1y11m才開始講話（除了爸媽以外的字），讓我有多一點時間可以累積詞彙
現在，已經有長輩會笑說：「你兒子台語講得比你標準耶～」聽到孩子真的開口對我講台語，是讓媽媽繼續堅持下去的最大信心！
講錯還有機會改，不講永遠不會說！
所以，我想鼓勵自認台語不好，但希望孩子會講台語的家長，不用遲疑，開始講就對了！對嬰幼兒來說，學語言最有效的方法就是環境，這是我們現在還有辦法重建的。
只要願意開始講 ，一天查幾個最常會用到的字，學起來後每次遇到那個詞就用台語講，別小看每日一點點的累積，不知不覺會講的就越來越多了！
另外，聽台語歌也是很好的學習，我同一片CD大概連續放好幾個月，小孩學媽媽也跟著學。一開始裡面唱的很多聽不懂，就去查是什麼意思，因為兒歌的歌詞是很生活化的，所以學起來後對日常生活也很有幫助。
最後，就是團體支持的力量，每個台語家庭其實都走過風景各不相同的台語路，什麼阻礙都有人遇過，大家的經驗很珍貴，互相交流往往能讓人更看清楚自己的方向。
我很感謝也很幸運能夠擁有台語路共學的環境，大家除了互相照顧小孩，還會很有耐心地教導和糾正我的發音，讓我一路上都覺得溫暖不孤單。雖然現在我的台語還不「輾轉（liàn-tńg）」，但我會繼續跟著孩子一起成長！最近，我也要開始跟台語路的夥伴一起學羅馬字了，相信有了讀寫的能力，對我的日常聽說會更有幫助。
語言真的需要環境去創造，現在會說台語的人還不少，想要重建這個環境並非不可能，但如果現在我們不跟孩子說，等到二三十年後，會說的人還剩多少？他們若想要再找回這個語言恐怕是難上加難了！
沒有了語言和文化就等於沒有了這個族群，希望我們能一直把台語傳承下去。只要你（妳）願意開始 ，一點一滴地灌溉，一定會看見那美麗的花朵綻放在陽光下對我們微笑～