迷思二、阿公阿媽講台語就好矣，曷著規家伙仔攏來講？
文：小編群
製圖整理：小編群
是按怎講爸母是台語傳承的關鍵
阿公阿媽彼沿的捌拄過「國語運動」，就是國民黨政府佇咧1966年制定〈臺灣省加強推行國語實施計畫〉，限定佇學校干焦會當講華語，袂當講「方言」；對1972年開始，電視逐工干焦會當有一點鐘的台語節目；1976年規定廣播節目「方言」比例應當愛逐年那來那少。這款用法律來強制規定就號做國語運動。
彼當時對「方言」的打壓，予序大對家己的語言較無信心，受著環境影響，真gâu成做「越頭族」，意思是講佮仝一沿的講台語，越頭佮序細講華語。
準講阿公阿媽有意思欲配合，嘛誠有意識來做，毋過阿公阿媽會佮阿孫講的台語，凡勢干焦是和生活有關，親像食飯、洗身軀遮的，若拄著時代變遷才產生的新詞，阿公阿媽檢采無遐爾簡單揣著資源來學習新詞。按呢囡仔大漢了後，可能會認為這个語言無夠好用，沓沓仔就來放捒掉。
另外，若干焦序大佮囡仔講台語，除了阿公阿媽tshuā孫掠外，囡仔會變成佇台語環境的時間無夠額，會曉台語的機會並無懸。干焦一兩个台語詞會曉講，比如講燒燒、惜惜，無代表就是會曉講台語喔！
上蓋要緊的是，當當囡仔沓沓仔大漢了後，若干焦阿公阿媽佮囡仔講台語，等若有一工阿公阿媽過往去矣，按呢囡仔是欲揣啥人講台語咧？
迷思二、爺爺奶奶講台語就好了，全台語家庭，要幹嘛？
文：小編群
製圖整理：小編群
為什麼父母是台語傳承的關鍵
阿公阿媽那一輩曾走過「國語運動」，即國民黨政府於1966年制定〈臺灣省加強推行國語實施計畫〉限制在校只能說華語，不可說方言；1972年開始，電視每天只能有一個小時的台語節目；1976規定廣播節目方言比例應逐年減少。等一系列以法律強制規範被稱為國語運動。
因當時對方言的貶抑，使得長輩對於自己的語言較沒有信心，受大環境影響，容易成為「越頭族」，意指平輩之間說台語，轉頭對晚輩說華語。
即使阿公阿媽願意配合，也很有意識執行，阿公阿媽基於各種原因，可能跟孫子輩講的台語僅限於生活層次（食飯、洗身軀⋯），且對於時代變遷所產生的新詞，阿公阿媽可能不易找尋資源學習新詞，如此一來，長大後可能很容易會覺得這個語言不夠用、不好用，然後逐漸放棄。
另外，只有長輩跟孩子說台語，除了隔代教養的狀況下，孩子會沒有足夠的時間浸淫在台語裡，沒有足夠的台語環境，學會台語的機率並不高。只會一兩個台語詞，如：燒燒、惜惜，不代表會說台語喔！
最重要的是，當孩子逐漸長大，如果只有阿公阿媽跟小孩講台語，等有一天阿公阿媽離開了這個世界，那小孩要跟誰說台語呢？