這幾工咱講過 #世界母語日ê由來、#咱ê國家語言發展法、#公視台語台成立開台，嘛邀請濟濟位𠢕人（gâu-lâng）鬥陣贊聲鼓舞講母語，今仔日同齊來聽咱台灣演藝界幾若位老師級ê大明星，嘛有咱拜二共學團佮古錐ê講古的大人囡仔，做伙相伨世界母語日：
詹雅雯 Y.W
陳子鴻
許常德的地下手記
許富凱 Henry Hsu
Ric 荒山亮
超級紅人榜—林喬安
方馨的粉絲部
鄧惠文 在這說
——–
2021世界母語日ê主題是「鼓勵使用濟種語言，促進教育佮社會ê包容性。」（Fostering multilingualism for inclusion in education and society）
咱台灣是一个多元多語ê社會，過去因為錯誤ê政策，佇公共領域獨尊華語ê時代觀念已經沓沓仔咧改變，學校、媒體、各種產業，攏看會著本土語言漸漸仔咧出頭。
佇這款新思潮ê影響，舊年金曲獎頒獎典禮嘛引起語言分類ê風波，落尾文化部提出，欲將台、客、原住民書面語冠名「台灣」，金曲獎國語獎項按算改做「華語」，對少年人所要意ê演藝流行歌壇來落種釘根「華語」ê概念，擴展咱對語言多元ê眼光，拍算會有較好ê效果。
台東大學張學謙教授Hak-khiam Tiun 嘛捌提出，電視媒體是上有影響力ê傳播形式，一个語言會當予較濟人聽著、提供學習佮分享管道、建立工具性ê價值、連結母語ê情感認同、促進文字化、現代化佮科技化，這馬咱除了有專門ê台語台、客家台、原民台咧做遮ê工課，濟濟電視台嘛攏有真好ê多語節目咧放送，戲劇、歌唱、綜藝、新聞等等，有舞台，嘛愛有人才，時代不斷咧變新，向望有閣較濟ê少年人投入，共母語成做時行，創造新時代ê流行文化。
221世界母語日，透過這个日子，是欲提醒咱逐家看重咱ê母語，共語言權ê概念湠予閣較濟人知影，掖閣較濟種，佇咱生活ê每一工，攏愛用心計較，予伊開一蕊花，發一抱草，生一欉樹仔，總有一日，通成做一个充滿生命力的語言花園。
參考聯合國追求語言多樣與語言人權-對台灣國家語言發展法的啟示
●張學謙／國立台東大學華語文學系教授http://www.taiwanncf.org.tw/ttforum/84/84-07.pdf