台語囡仔予政府「國家語言推動計畫-民間團體協商」會議的意見
逐家敢知影，紲落來五年，政府會投入三百億的資源來復振本土語言！咱台語的未來，是愈來愈有希望矣
頂禮拜五（20220923），「牽囡仔ê手 行台語ê路」kah台語路共學團的囡仔，嘛有受邀參加文化部「國家語言推動計畫-民間團體協商」的會議，表達阮的意見–ooh！
咱做伙來看台語囡仔予政府的意見。向望有政府的支持，母語家庭kah母語囡仔的路，會當愈走愈久長～～
「應該是全部攏佇咧耍，有當時嘛是會，嘛會有一寡課程….我感覺推廣的方式就是講會使攏佇咧耍，愛全程講台語，你愛全程講台語，以後阮嘛會使用台語開一寡課，比如講畫圖的、科學的，有的沒的。若是有一个台語翻譯app，若是有這个app，逐家嘛會使繼續講台語著無。希望圖書館內底的台仔，全部攏是細漢囡仔的台語故事冊，多謝。」