文:T編–ê
![🤔](https://static.xx.fbcdn.net/images/emoji.php/v9/t34/1/16/1f914.png)
囡仔讀小學了後有台語課,
學校老師的講法佮發音,佮厝內講的無仝款,欲按怎?
阮囝讀一年仔,聯絡簿仔提醒今仔日愛讀台語課文,請家長鬥相共複習。
我問伊敢會曉?伊隨背予我聽,其中一字的聲調(第八調)佮阮咧講的無相siâng。
相信逐家若猶未拄著這款情形,嘛加減捌看著新聞抑是一寡無理性的批評,講老師教的佮厝裡講的攏無仝款,台語攏去予教育部烏白舞、創歹了了!
窮實講,批評的人,凡勢真大部份佇厝裡就無咧和囡仔講台語矣,等囡仔對學校學轉來,才氣怫怫共囡仔講老師教的毋著。
囡仔的台語現都對老師遐學來的,家長雄雄跳出來共囡仔講按呢毋著,按呢是欲愛伊聽啥人的?
學校老師有根據咱在地的腔口去教學無![❓](https://static.xx.fbcdn.net/images/emoji.php/v9/t4c/1/16/2753.png)
![❓](https://static.xx.fbcdn.net/images/emoji.php/v9/t4c/1/16/2753.png)
學校老師有法度分辨包容囡仔無仝的腔口差無![❓](https://static.xx.fbcdn.net/images/emoji.php/v9/t4c/1/16/2753.png)
![❓](https://static.xx.fbcdn.net/images/emoji.php/v9/t4c/1/16/2753.png)
這咱可能無法度控制,總是老師有伊佇學校教學作業的標準,咱尊重伊的做法。
毋過實在講,#只要咱厝裡有咧繼續佮囡仔講台語,#就毋免驚囡仔共咱家己的話放袂記。
(另外一方面,這馬台語已經強欲火hua去矣,台語文教育進入體制予台語「求生存」,總是會有一寡標準化的過程,無法度齊顧逐个人的無仝。)
這馬交通真利便,無仝所在的人互相交陪來去,閣坐佇厝裡看電視、網路影片等等,嘛攏會聽著各種的口音,腔口加減透濫著,是真四常的代誌。![👥](https://static.xx.fbcdn.net/images/emoji.php/v9/t8b/1/16/1f465.png)
![👥](https://static.xx.fbcdn.net/images/emoji.php/v9/t8b/1/16/1f465.png)
我的囡仔嘛捌學別人的腔口咧講話,我問伊是對佗位學來的?
伊應我講都某乜朋友矣!伊攏是按呢講話~![👅](https://static.xx.fbcdn.net/images/emoji.php/v9/t4d/1/16/1f445.png)
![👅](https://static.xx.fbcdn.net/images/emoji.php/v9/t4d/1/16/1f445.png)
一方面我感覺囡仔真有學習模仿的能力,一方面囡仔家己嘛感覺用無仝款的聲調講話真趣味。
(最近伊閣發現阮兜自用車𤆬路機的台語發音佮阮無仝neh!)
有的家長講,我欲共囡仔改–過來,伊嘛毋聽我的,偌欲氣–死!![😤](https://static.xx.fbcdn.net/images/emoji.php/v9/t10/1/16/1f624.png)
![😤](https://static.xx.fbcdn.net/images/emoji.php/v9/t10/1/16/1f624.png)
我的建議是,咱攏知影真濟囡仔會共老師講的話當做「聖旨」,毋管是為著分數也好,為著老師的權威性也好。
若佇台語這方面,咱會使試看覓
![✅](https://static.xx.fbcdn.net/images/emoji.php/v9/t33/1/16/2705.png)
準講囡仔無法度聽入去,感覺愛照老師教的,嘛無要緊,咱已經有講予伊知,就先到遮擋恬,只要咱若是有繼續佮伊講台語,等kah伊較大漢、較捌代誌了後,總是會體會著啥物才是咱厝內家己人的話,嘛
予囡仔學會曉尊重別人佮咱無仝款的腔口。
有一句話講「離鄉無離腔」,就算出外去,嘛袂共咱家己的語言特色放袂記。
咱會使換一个角度來想,
有機會接觸著別人佮咱的「無仝」,才會當予咱知影「咱家己」生成是啥物形,敢毋是?![☘](https://static.xx.fbcdn.net/images/emoji.php/v9/t14/1/16/2618.png)
![☘](https://static.xx.fbcdn.net/images/emoji.php/v9/t14/1/16/2618.png)
![☘](https://static.xx.fbcdn.net/images/emoji.php/v9/t14/1/16/2618.png)