台語路相談室 Ep.9 孩子聽到台語會排斥怎麼辦？(台華對照)

台語路相談室 Ep.9

文：阿菱
製圖整理：A-iông

Q9：囡仔聽著家己毋捌的語言會排斥，所以煩惱囡仔排斥台語欲按怎？

A：咱會使對歷史、感情、文化保存的「意識」層面出發，和囡仔討論「為啥物想欲佮伊講母語」。

若準講囡仔會排斥，會使對繪本、歌謠、báng-gà開始，現此時有公視台語台，有誠濟好看的囡仔節目，予囡仔對輕鬆快樂的環境開始接觸台語。

也會使對日常生活開始進行，佇生活中開始增加一寡台語，假使囡仔聽無，會使先佇台語後壁加上華語翻譯，落尾才沓沓仔減少，提高台語的比例。

嘛會使訂一个台語時間，譬論講食飯的時陣使用台語，閣一步一步增加台語時間，或者是以空間來劃分語言的使用，比如講：佇灶跤、客廳著講台語；冊房講英語。有明顯的時間抑是空間的區別，會使予囡仔使用這个語言的時較袂感覺受打擊，嘛較會有自信。

Q：孩子聽到自己不擅長的語言會排斥。所以擔心孩子聽到台語會排斥怎麼辦？

A：我們可以從歷史、感情、文化保存的「意識」層面出發，和孩子談談「為何想和他講母語」。

如果孩子可能會排斥，可以從繪本、歌謠、卡通開始，現在有公視台語台，有許多好看的兒少節目，讓孩子在輕鬆愉快的環境開始接觸台語。

如果能從日常生活開始進行，在生活中開始添加一些台語，如果孩子聽不懂，可以在台語後加上華語翻譯，再逐步減少華語翻譯，提高台語的比例。

也可以訂定台語時間，如吃飯時間使用台語，再逐步增加台語時間，或是以空間劃分語言使用，如：廚房、客廳說台語；書房說英語。有明顯時間或空間區隔，有助於降低孩子的挫折感。