迷思一、會曉聽、會曉講就好，就算是袂曉讀寫，敢有要緊？
文：小編群
製圖整理：小編群
學會曉文字ê必要
語言能力包含聽、講、讀、寫，這是四款無相仝的能力；若有才調四項齊通，才算是正港有法度活用這个語言，有法度家己閣紲落去學習、漸漸進步。閣再講，若干焦一喙傳一耳較會走精去，嘛快失傳，用文字來記錄，才有法度保存完整ê語言，可比講台語羅馬字會當拼音、記錄聲調、腔口等等，較袂走精去。
猶未學習台文的人，咱定定看著的是用華語的「空耳」，寫做台語的諧音按呢來表現台語。不而過，華語和注音符號 #無法度表現出正確的台語。舉一个例來講，華語干焦有四个聲調，台語有八聲七調。華語嘛無台語的濁窒音（b,g）、舌尾濁擦音（j）。像講咱定定看著的「孩子（囡仔）」佮「印章（印仔）」來講，用羅馬字是寫做gín-á、ìn-á，若是用華語的空耳就會兩个詞攏變成「印仔」。
若準台語猶誠時行，按呢寫法是笑詼仔笑詼，無大礙，橫直逐家攏嘛知影按怎唸才著；毋過，到今台語落坐，按呢做會予 #台語正確發音保存困難，久來，逐家攏唸甲離離落落。 #正確唸法著愛靠拼音來保留，現此時，捷看的拼音系統是教羅、台羅，較罕得看著的是方音符號、漢文切音法等等。
學台語拼音抑是正字，閣來就是為著若欲查字典的時， #無才調拍正確的關鍵字就會事倍功半，像「薁蕘（ò-giô）」這个例，若是頭一擺聽著，想欲知影意思煞袂曉寫台語正字拼音，按呢咱干焦會當google「惡一ㄜˊ」爾爾，啊若是共伊寫予正確，就有才調用五秒的時間佇線頂辭典查著這个詞原來就是咧講『愛玉』。
總講一句，鼓勵逐家用正確方式來書寫家己的母語，這毋是咧揣空縫，是真 #實在考量，毋但是對這个語言的尊重，嘛是共一个語言學予熟手上蓋要緊的代誌。
迷思一、會聽會說就好，不會讀寫，有差嗎？
文：小編群
製圖整理：小編群
學會文字的必要性
語言能力包含聽、說、讀、寫，是四種不同的能力，四種能力皆具備，才能真正活用這種語言，才有辦法自我增進、學習。另外，口耳相傳易失真、失傳，文字記述較能保存語言的完整性，例如：台語羅馬字可以表音、紀錄聲調、腔口等，較不易失真。
尚未學習台文的一般人，常見用來表現台語的做法是以華語「空耳」寫成台語諧音，但華語、注音沒有辦法表現正確的台語。舉例來說，華語只有四個聲調，而台語有七聲八調。華語也沒有台語的濁塞音(b,g)、舌尖濁擦音(j)。 舉最常見的「孩子(囡仔)」跟「印章(印仔)」為例，用羅馬字分別寫成gín-á、ìn-á，若以華語空耳則兩種都常寫成「印啊」。
若是在台語盛行的情況下，這樣的寫法只是博君一笑、無傷大雅，反正大家都知道正確唸法；但在台語式微的現代，這樣做會使得台語正確發音保存不易，久了，大家唸得都是錯的。正確的唸法可以靠拼音來保留，現今常見的拼音系統有教羅、台羅，較少見的有方音符號、漢文切音法…等。
學台語拼音或正字的另一個理由是，需要查字典的時候，若無法正確輸入關鍵字會事倍功半，舉「薁蕘(ò-giô)」為例子，若是第一次聽到這個詞，想知道含義為何卻不會寫台語正字拼音，那我們只能google「惡ㄧㄜˊ」了，若是寫正確，可以花五秒鐘在線上辭典查詢到這個詞是愛玉的台語。
綜上所述，鼓勵大家用正確的表示方法來書寫自己的母語，並不是獵巫，而是非常 #實際的考量，不僅是對這個語言的尊重，也是學好語言的重要關鍵。