迷思五、你若予你的囡仔干焦講台語，囡仔會交無朋友
文：小編群
製圖整理：小編群
換一个語言來想看覓
咱來想看覓，若換做是干焦會曉講日語的日本囡仔，抑是干焦會曉講英語的外國囡仔，按呢的囡仔來佮干焦會曉講華語的囡仔鬥陣耍，逐家若有拄著按呢的情形，會按怎共囡仔鬥相共？敢會幫助遮的囡仔會當互相溝通，予雙方攏有機會聽著對方的語言，有機會學會曉講對方的語言？
咱閣來想，若是換做干焦會曉講越南語的囡仔，抑是干焦會曉講台語的囡仔，逐个看著按呢的狀況，又閣會有啥物反應呢？敢是會希望遮的囡仔攏愛來學華語，毋通閣講越南語和台語呢？語言是平等的，逐種語言攏有家己的文化、思考的理路，若是囡仔會當 #加一款語言，就會加一款思考的理路，對囡仔來講是真好的代誌。
咱過去的社會（『國語運動』進前），囡仔真簡單就學會曉對方的語言，親像佇客家庄，囡仔那耍就那學著台語佮客語，佇部落，凡勢囡仔嘛會學著原住民族語。這馬台灣漸漸變做單語社會，囡仔無機會佇自然的環境內底，學會曉濟濟語言。咱若共腹腸放予開闊，予囡仔用家己的母語過日，囡仔佇咧和無仝語族做伙耍的時，閣通好學著無仝的語言，按呢毋但會使傳承母語，閣會使予囡仔自然浸佇咧多語環境，敢毋是一兼二顧，摸蜊仔兼洗褲？
台灣是一个多元語言的國家，若欲講著多元語言的利益，迷思三聽好來說明。
迷思五、你讓孩子只說台語，孩子會交不到朋友。
文：小編群
製圖整理：小編群
換個語言設想看看
讓我們將狀況設想為只會說日語的日本小孩，或是只會說英語的外國小孩，若是孩子想跟只會說華語的孩子一起玩，大家面臨這個狀況，會怎麼給予協助呢？是否會協助孩子彼此溝通，讓雙方都有機會聽到對方的語言，有機會學著講對方的語言呢？
我們再設想狀況改為只會說越南語的孩子，或是只會說台語的孩子，大家面臨這個狀況，又會是什麼反應呢？是否會希望孩子學華語，不要使用越南語和台語呢？語言不分貴賤，每種語言都有自己的文化、思考邏輯、脈絡，若孩子可以多一種語言，就會多一種思考脈絡，對孩子是有好處的。
以過去的社會(國語運動以前)，孩子彼此很容易學會對方的語言，像是在客家庄，孩子在玩的過程中，可能同時學會台語和客語，在部落，孩子也可能學會原住民語。現在台灣逐漸成為單語社會，孩子就沒機會在自然環境中，學會多種語言。我們若是能開放心胸，讓孩子沉浸在自己的母語，孩子和不同語族玩耍時，就能多學不同的語言，這樣既能傳承母語，又能讓孩子自然而然沉浸在多種語言，不是一舉數得嗎？
台灣是一個多語言國家，關於多語言的好處，迷思三能為大家解惑。