文：Cindy（桃仔園台語囡仔共學團團員）
咚是一个定定笑微微開喙揣人講話、若想著啥就欲講啥的囡仔。想起阮第二的——咩出世的時，咚拄仔滿兩歲，是當咧語言大爆發的時期。可能是受著成做老母hoo-lú-bóng（賀爾蒙）的影響，我足驚會失去啥物，心肝內就非常希望in攏會當學台語。毋過我上網想欲揣資源，有看著台北佮新竹的母語團體，煞按怎揣攏揣無桃園的……….。
後來，間接看著「牽囡仔ê手 行台語ê路」迷眾頁內底的一條留話，予我一屑屑仔的向望：原來桃園嘛有媽媽家己組的台語共學團！
佇接觸台語共學團的過程中，我沓沓仔了解：若準想欲囡仔會曉講台語，厝內底至少愛有一个人全台語，而且上好是主要照顧者。想想咧，我感覺確實是按呢，和阮蹛做伙的大家官佮阮翁，台、客、華語攏會曉講，毋過逐家攏干焦佮囡仔講華語。我原底捌希望阮大官有時仔佮囡仔講幾句仔台語就會使矣；毋過兩冬外以來，囡仔干焦會曉講阿公定定咧講的「借過」爾爾。🤣
自按呢，我tshuā囡仔去參加台語共學，嘛佇厝裡開始一个人咧行這條全台語的路。
有台語環境了後，兩歲外的咚轉變足明顯：
2018/10月 頭一擺台語共學；
2019/03月 完全聽有，而且開始台語輸出；
2019/06月 差不多攏會使台語輸出！
「台語講了真好呢！」、「有咧佮阿公阿媽做伙講台語乎，誠gâu講！」變成台語囡仔了後，毋但共學的阿姨攏共呵咾，佇路裡拄著無熟似的阿公、阿媽抑是熟似的阿姨姨媽、親子館的阿姊阿姨，攏會共伊講足欽佩伊的。
厝內底佮所有有接觸過的人攏足歡喜，甚至是攏無發覺家己已經轉做用台語咧佮咚開講矣。自細漢就足愛佮人交插的咚有夠歡喜的，閣會去共親子館遐的阿姊考試呢！
這是台語袂輾轉的媽媽（自細漢干焦會曉聽、大部份攏袂曉講）從來毋捌想過的結果。毋過，我所得著的才毋但按呢。雖罔這段時間無講誠久，媽媽的心情嘛捌經過足濟、足濟變化……。
回想轉全台語的過程中有誠濟挑戰：
😖囡仔的情緒不時會袂得過，彼个時陣著愛先用華語來引tshuā、安搭；
🥴媽媽有一个心理上的障礙，就是：雖然台語無輾轉，嘛著愛講出來；
🤨厝內干焦媽媽佮囡仔講台語，定著愛拍拚堅持落去；
😂就算講了袂順，嘛袂當驚會講毋著，猶是愛佇厝內底的人面頭前硬講，
若是講毋著去、抑是音調怪怪，予朋友感覺足奇怪，
就算講會緊張、歹勢，嘛著愛勇敢講落去……。
經過遮的挑戰，換來的是生活的闊度增加矣，予大人囡仔攏得著足濟的全台語經驗：
🔍佇生活中若拄著毋捌的詞彙，就上網去查抑是去問序大；
🗣猶未拄著的議題，定聽著共學的媽媽咧開講的時陣講著；
📣綴繪本的內容、抑是去四界參加台語導覽，增加台語的闊度；
🧠台語講出喙了後，定會予人提醒去思考早前的文化；
✍️拍拚共遐的共學媽媽的跤步綴予牢，做伙去學羅馬字，向望會使增加台語的深度；
💆♀️甚至佮囡仔無法度順利溝通的時陣，就算講家己的情緒已經夯起來矣，
毋過為著欲用台語表達，語句出來會較慢小可仔，
自按呢家己嘛加較冷靜矣，會使較理性的來講。
遮的，攏是因為講台語，另外所得著的無價之寶。
無限期的粒積。
一路按呢行來，敢若是阮咧陪伴囡仔，事實上，嘛是囡仔咧陪伴阮用全台語來生活、去回顧這片土地的往過。生活中有台語，嘛共老中幼三代的感情搝閣較倚，毋但是台語智識的情感交流爾，囡仔的古錐佮單純，嘛予逐家的互動閣較親密。
踏佇台灣這塊孕育多元文化的土地頂面，媽媽看著咚隨時攏會當歡喜講母語，感覺足光榮的；逐家予伊的鼓勵、參伊開講互動，嘛沓沓仔培養出伊家己獨一無二的自我佮自信。
真正非常感謝一直共阮相伨的「牽囡仔ê手行台語ê路」的逐个媽媽。謝謝咚咩爸爸的諒解佮支持。一人一語言，某囝咧等你開始講客家話喔！（硬欲閣喝一聲來共伊鼓勵）
咚咩的台語路當咧進行中。
緊來喔，鬥陣來耍台語、講台語、學台語。
建立孩子的自我成就感—咚咩的台語路進行式
文：Cindy（桃仔園台語囡仔共學團團員）
咚是會笑瞇瞇開口找人說話、想到什麼就說什麼的小孩。回想老二咩出生時，咚正值語言爆發期的2歲，或許深怕錯失的感受來自於母性荷爾蒙影響？我內心強烈希望她們都能學台語，但上網試圖尋找資源，看到台北或新竹母語團體，卻怎麼也找不到桃園的……
後來輾轉由「牽囡仔ê手 行台語ê路」粉絲頁的一則留言中看到一絲希望——原來桃園也有媽媽自組的台語共學團！
在接觸台語共學團的過程中，我慢慢體認到：若要小孩「會講」，家中至少要有一人全台語，而且最好是主要照顧者。想想確實如此，同住的公婆和先生，台、客、華都會講，但大家都只跟小孩講華語，我原本曾希望公公偶爾跟小孩說幾句台語就可以了，但2年多下來，小孩只學會阿公常講的「借過」這一句 🤣
於是，我帶著小孩參加台語共學，同時也在家裡展開媽媽一人的全台語之路。
有了台語環境，2歲多的咚轉變非常快：
2018/10月 第一次台語共學；
2019/03月 能完全聽懂，並開始台語輸出；
2019/06月 可以近乎全台語輸出！
「台語講得很好耶！」「有跟阿公阿嬤一起講台語哦，很會說！」變成台語小孩後，不但共學的阿姨們驚喜讚賞，路上不認識的阿公阿嬤、或認識的阿姨姨媽、親子館姐姐阿姨們，也都對她表示欣賞與崇拜。
家人跟所有接觸到的人都開心甚至是不自覺轉全台語跟咚聊天問答，從小愛伴喜歡跟人接觸的咚開心自信極了，還能考親子館的姐姐們！
這是台語「不輾轉（liàn-tńg）」的媽媽（從小只聽幾乎不會說）始料未及的大收穫。不過，收穫其實遠遠不只如此，而這看似不太長時間裡，媽媽的心路歷程也好多好多……
回想轉全台語的諸多關卡：
😖孩子情緒常常卡關，需要當下先用華語引導安撫；
🥴媽媽有著台語不輪轉但還是要說出口的心理障礙；
🤨家中只有媽媽跟小孩講台語，必須努力堅持著；
😂講不順還是得不怕錯，繼續在家人面前硬講，說錯或是腔調怪怪的，引來朋友疑問，就算緊張害羞也還是繼續勇敢說……
經過這些挑戰，換來的，是增加了生活廣度，獲得親子受益良多的全台語經驗：
🔍生活中不懂的詞彙去網路上查或問長輩；
🗣還沒碰到的議題常常從共學媽媽們言談間聽到學到；
📣跟著繪本內容/四處參觀台語導覽增加台語廣度；
🧠說出口後的台語常會經人提點，讓人思考曾經的文化；
🏃♀️努力跟上台語路好多人一點一滴累積甚至無私分享的台語資源；
✍️跟隨共學媽媽們的腳步一起精進學羅馬字，盼增加台語深度；
💆♀️甚至當孩子狀況無法如預期溝通時，即使自己情緒衝上來，但為了要用台語表達，語句會比較緩慢，也因此拉回自己的情緒，能夠理性敘述。
這些，都是額外經由講台語帶給我的無價之寶。
無限期累積。
一路看似陪伴孩子，某種程度上又何嘗不是孩子帶著我們，以全台語生活，去回溯這片土地的過往。生活中多了台語，也拉近了老中幼三代的距離，不止是台語知識情感交流，更藉由孩子的可愛單純有特別親近的互動。
踏在台灣這塊孕育多元文化的土地上，媽媽驕傲地看著咚隨時都能開心說母語，大家對她的鼓勵與聊天互動慢慢培養出她自己專屬獨特的自我與自信。
真的非常感謝一路相挺的「牽囡仔ê手行台語ê路」所有的媽媽們。謝謝咚咩爸爸的諒解與支持，一人一語言，妻小一直等你開始客家話唷！（硬要加這句精神喊話）
咚咩台語路進行中。
快來吧，鬥陣來耍台語、講台語、學台語。