聖誕節
囡仔兄～囡仔姊，聖誕節得欲到矣，講著聖誕節
有人會想著是耶穌的生日
有人會想著揹真濟禮物ê聖誕老人
有人會想著妝娗kah媠媠ê聖誕樹
平安暝，有天使來報佳音，耶穌出世佇馬牢內；
後來閣有好心ê人成做聖誕老人，予囡仔向望；
街仔路kah人厝內，有美麗ê聖誕樹加添氣氛。
你會想著啥物咧？
歡喜聖誕節 / @王金選老師作詞，Jingle Bells ê曲
北風呼呼吹，啥人對遮過，
聖誕老阿伯，禮物揹一大袋；
也有運動鞋，也有尪仔冊，也有糖仔佮番麥，實在有夠濟～
緊來提，緊來提，一人有一个；
樓頂樓跤厝邊頭尾，逐家歡喜做伙，
也唱歌，也泡茶，也有講笑詼；
上重要的就愛感謝～
聖誕老阿伯～