圖、文_Suan-san
防疫關佇厝裡已經個半月矣，對阮囝來講，無去幼稚園嘛是誠難得會當過個半月完全攏是台語的生活，關佇厝裡的一段時間，阮用旅遊的相片配Google Map來認捌地理環境、讀閣較深的故事冊，嘛因為佇厝裡做工課的關係，囡仔定定看著公司的資料，對阮公司的產品真有興趣，我嘛順紲共介紹產品的原理佮功能。遮的，我攏是用台語共說明。
有幾个朋友前前後後向我表達in的欽佩之意，感覺我有法度全台語到這款地步真厲害。其實，對我來講，全台語比台華濫咧講閣較簡單。因為，#佮囡仔講台語只是一个決定，#決定了後就去執行，過程中干焦有執行上的問題，無需要煩惱家己應該愛講幾%的台語，抑是欲放棄無。若是台華濫咧講，囡仔到一个歲數變作干焦講華語，家長就開始想講，台語路敢欲停落來。
執行上的困難，其實每一个家長攏會拄著。咱毋是萬能的，甚至有一寡仔常識是囡仔問了後才發現著家己講甲離離落落，對講出喙的答案無信心，所以咱加減攏會查詢各種資料來應付囡仔的「十萬个為啥物」，台語無夠好的家長，嘛干焦是加查遮的資訊欲按怎用台語表達爾爾。
利用這个佮囡仔長時間鬥陣的機會，來練全台語啦，無輾轉嘛無要緊！我嘛會煩惱囡仔將來學愈深、愈濟，敢會就無愛講台語矣，但是，囡仔對家長的包容力誠大，咱若是願意進步，囡仔會佇無遠的前方相等！
華文版
防疫繭居一個半月了，對我兒子來說，沒去幼稚園也是很難得地過了一個半月完全的台語生活。關在家這段時間，我們用旅遊照片搭配Google Map認識地理環境、讀更深的繪本，也因為WFH的關係，孩子常常看到公司的資料，對我們公司的產品很好奇，我也順勢跟他介紹了產品的原理跟功能。這些我都是用台語跟孩子講解。
陸續有幾位朋友傳達他們的佩服之意，覺得我能全台語到這樣的程度很厲害。其實，對我來說，全台語比台華混著說還要簡單。因為 #跟孩子講台語只是一個決定，#決定了就執行，途中只有執行上的困難，不太需要掙扎自己該講幾％的台語，或是要不要放棄。但若是台華混著說，孩子到了一定的年紀只說華語，家長就很容易開始動搖，是不是該停下台語路呢？
執行上的困難，其實每個家長都會遇到。我們不是全能的，甚至有些常識是孩子問了之後才發現自己回答地支支吾吾，對說出口的答案沒有信心，所以我們多多少少都會查詢各種資料來應對孩子的「十萬個為什麼」，台語不夠好的家長，也只是多查了這些資訊該怎麼用台語表達而已。
利用這個跟孩子長時間相處的機會，來練習全台語吧，不順暢沒有關係！我也會擔心孩子未來學得更多、更廣，會不會就不願意用台語了，但是，孩子對家長的包容力很大，我們願意精進的話，孩子會在在前方幾步之遙等我們跟上的！