迷思四、學台語會變做『台灣國語』，著愛去上正音班
文：小編群
製圖整理：小編群
講話無標準敢是台語害的？
這馬真濟家長會去注意囡仔的發展敢有照時間，有的台語家庭的家長若發見家己的囡仔講話無蓋「標準」的時，就會煩惱敢是家己佮囡仔講台語才會致使囡仔講話無「標準」？
咱一般講著講話無標準的問題，會當有兩方面來講，第一是語言學習的困難（臭奶呆），閣來就是帶某種腔（『台灣國語』）。
講著臭奶呆
語音學習有困難，就是咱咧講的臭奶呆，比論講共「阿公」講做「阿東」，敢著愛要緊這个問題，其實是愛看囡仔的年歲來判斷，會當揣專業的人來評估敢是有構音異常的問題。幼囡仔講話敢有標準，是佮生理和認知能力的發展有關係，多語環境袂造成囡仔學習語言的困難，單語囡仔嘛有可能出現學語音學了無順、臭奶呆的現象。
講著「某種腔」
帶某種腔的部份，每一个人攏會因為無仝的成長經驗，來發展出無仝的口音
特色。仝一个時陣咧學的語言，無仝的語音攏會入去囡仔的語音庫內底，所以通常會和強勢腔較相siâng。若是學會曉頭一種語言了後，閣再學第二、第三種語言，就有可能會用家己上蓋慣勢的方式來學習新的語言，落尾就變成特殊的腔。
咱來想看覓，台語環境較好的七十年次的人講話敢有『台灣國語』？
咱這代以來，就算第一語言是台語，大漢了後其實嘛袂有阿公阿媽彼款『台灣國語』，這就是咱生活佇咧全華語的環境，對媒體到教育攏總是華語，有誠濟機會聽佮講，這和阿公阿媽彼个年代生活的環境無啥仝款，咱根本就毋免去煩惱囡仔大漢會變成台灣國語。
現代華語的腔是本土化的結果
會當閣來討論的是：就算「講華語有台語腔」敢會按怎？台灣人這馬咧講的華語，是這半世紀以來台灣在地化、本土化的結果，無論是語音、腔調、用詞、句法等等，誠濟攏佮中國的普通話無仝。這个角度來講，這馬大部份的台灣人喙講的攏是『台灣國語』，包括咱定定較刻板咧想講彼款講了上蓋標準的「國語」的人，像新聞主播、電台的播音員、學校的國文老師等等，講的攏算是『台灣國語』。
總講一句，若毋是構音異常的問題，真正毋免傷過煩惱，就算是學語言的順序無仝，帶某種腔凡勢和強勢腔無仝款；毋過囡仔咧講話敢有正確，敢有才調佮人溝通，應當和囡仔生活內底的大人來比，毋是干焦用一部份刻板的發音做標準，帶某種腔嘛無應當共看做是一種「錯誤」。
迷思四、學台語會台灣國語，要去上正音班！
文：小編群
製圖整理：小編群
講話不標準是台語害的嗎?
現代家長大多對小孩發展的進度相當注意，因此，有些台語家庭的家長在注意到自己的孩子發音不「標準」時，會擔心是不是因為跟孩子講台語，而導致孩子有講話不「標準」的問題呢？
一般人所謂的講話不標準，可以兩個面向來討論，一是語音學習困難(臭奶呆)，另一種是口音(台灣國語)。
關於臭奶呆
語音學習困難、俗稱臭奶呆的例子如將”阿公”講成”阿東”， 是否需要在意，這要視孩子的年齡來判斷，可尋求專業評估是否為構音異常。幼兒發音正確與否，會受限於生理及認知能力的發展，多語環境不是造成孩子學習語音困難的原因，單語孩子也可能出現學習語音困難(臭奶呆)的現象。
關於口音
在口音的部分，每個人都會因爲成長經驗不同，發展出各自的口音特色。對於同時學習的語言，因為各別語音都會進入孩子的語音庫中，所以通常不會和主流口音有差別。如果是學會第一語言後，再學其他第二、第三語言，就可能以自己最習慣的發音方式去揣摩新語言，而成為特殊的口音。
試想一下，台語環境更好的七年級生講話有台灣國語嗎?
我們這一代以降，就算第一語言是台語，長大之後其實也不會有阿公阿媽的那種台灣國語，原因就是我們生活在華語獨大的環境，從媒體到教育全部都是華語，有大量的機會聽說，這跟阿公阿嬤那個年代的生活環境是很不一樣的，所以基本上現在根本不需要煩惱小孩長大後變台灣國語。
現代華語的口音是本土化的結果
另外可以討論的是：就算「說華語時帶著台語口音」又如何？台灣人現在說的華語，是經過這半世紀以來台灣在地化、本土化後的結果，無論是語音、腔調、用詞、語法等等，許多部分都已經與中國的普通話不同了，以這個角度來看，現在大多數台灣人口中說的都是「台灣國語」，包括一般刻板印象中以為應該要操著一口標準「國語」的人，譬如：電視上的新聞主播、電台的播音員、學校的國文老師等，說的都是「台灣國語」。
總結以上所述，若不是構音異常的情況，那真的不太需要擔心，就算因為先後接觸語言，口音與主流有區別，孩子發音的正確性和溝通效率，應該要和孩子生活圈中的大人比較，而不是以部分刻板發音當標準，口音差異也不該當作「錯誤」。