圖：1月5日第三場「台語路經驗分享會」活動照
文：S（第三場「台語路分享會」參加者）
台文翻譯：TWkid
台文顧問：陳豐惠 老師
講台語毋但是語言練習，閣是自我提升
我是一个媽媽，目前囡仔猶未度晬。囡仔拄出世的時，我是用華語和囡仔講話，一直到有一工，看著一篇文章咧寫講，新住民的囡仔袂曉𪜶媽媽的語言，心肝內當咧感覺可惜，煞雄雄智覺著我的囡仔敢毋是嘛相𫝛(siâng)！
自彼日起，我略略仔感覺按呢袂用得，煞猶是無誠認真去改變，干焦唱幾條仔台語囡仔歌，就袂輸家己已經有咧拍拚矣，一直到揣相關的資料的時看著〈牽囡仔ê手 行台語ê路〉迷眾頁頂頭的語言瀕危表，才驚醒－－－若閣按呢落去，台語的處境會真不妙！
因為我本身台語程度普普仔，和囡仔換做全台語講話這件代誌對我來講，上困難的毋是台語能力，顛倒是感覺欲開喙講台語真礙虐，需要調整心態。
咱自細漢就攏受著主流媒體影響，傳達「講台語足倯（sông）」、「台客台妹」等等的概念，閣我家己佇學校嘛捌因為講台語去予人用奇怪的眼光看待。毋過決心欲做以來，差不多講一兩禮拜了後，就愈來愈好勢，阮兜自按呢行上全台語家庭的路途。
成做全台語家庭的另外一个重點是厝內人的相伨，拄開始我無要求阮翁嘛愛綴咧全台語，向伊宣示我的決心了後，共伊講我向望伊會使盡量就好。因為伊感覺做這件代誌無意義，語言干焦是一款家私，就算講伊家己嘛是講台語大漢的，毋過伊會得接受一个語言若無人咧使用，就予伊自然消失去。
就準講伊按呢想，毋過因為我佮囡仔講台語，我發現漸漸仔伊嘛會佮囡仔講台語，半冬過去，連阮翁仔某咧開講，嘛開始用台語。
我家己真感謝阮翁鬥相伨，嘛因為講台語的緣故，佇各方面我嘛有真濟改變，可比講，我本底毋是一个真主動佮大家官聯絡的人，有一擺為著幌韆鞦的台語袂曉講，自按呢敲電話轉去問，嘛會為著囡仔的台語環境較捷𤆬𪜶轉去。
這禮拜參加「台語路經驗分享會」了後的隔轉工，我做一件較早毋敢做的代誌——和生份人用台語開講。會用得有按呢的突破，我咧想，是因為佇分享會受著鼓舞，主講者佮其他參與的成員，予我智覺家己猶閣無夠綿爛積極，應當愛閣較拚勢咧。
有時台語沓沓仔會來失傳，無一定是因為逐家袂曉講的緣故，凡勢是咱社會的勢面予人真僫開喙。最近定定聽人鼓勵著愛「拍破仝溫層」，我嘛咧思考講台語的這件代誌，愛按怎拍破仝溫層，所以我開始試佮無咧關心這个議題的人用台語開講，無疑悟頭一擺就有真好的效果。
我用台語和對方講著我會想欲佮囡仔全台語的想法，嘛講著最近的政治局勢，算是一兼二顧！這擺的談話，拍算袂連鞭予對方的看法佮做法產生改變，上無我已經得著繼續拍拚的氣力。
講台語毋但是咧練習講一款語言爾，閣是一款的自我提升，代表咱有信念，而且願意親身來執行。
佇咧強勢的華語環境內底，囡仔若大漢了後敢閣會繼續講台語？我無啥物信心。總是我認為，就算講後擺伊無閣講台語矣，便若有機會聽著台語的時，嘛會感覺加誠親切，因為爸爸媽媽用台語佮伊講道理、表達愛，因為台語是象徵「家庭」的語言。
講台語不只是語言練習，還是自我提升
我是媽媽，目前孩子未滿周歲。孩子剛出生時，我是用華語跟孩子溝通，直到某天看到一則文章闡述新住民的孩子不會用媽媽的語言，在心裡暗嘆可惜的同時，突然發現我的小孩不也是一樣嗎！
從那天開始，我隱約覺得這樣不行，但也並沒有很認真的改變，只是唱唱台語童謠就覺得自己好像有努力了，直到找相關資料的時候看到＜牽囡仔ê手 行台語ê路＞粉絲頁置頂的語言瀕危表，才驚覺這樣下去，台語不太妙！
因為本身台語尚可，在轉換成全台語這件事情上面，遇到的困難不是台語能力，而是覺得講台語很彆扭，需要心理調適。
我們從小就一直接受主流媒體傳達的「講台語很俗」、「台客台妹」等概念，加上自己在學校也因為講台語被另眼看待過。但下定決心之後，講個一兩個禮拜就越來越順，從此開始我的全台語家庭之路。
全台語家庭的另一個重點是家人的支持，一開始我並沒有要求老公要全台語，跟他宣示了我的決心後，告知對他的期望是盡力就好。我老公覺得此舉沒有意義，語言只是一種工具，即使他也是台語家庭出身，但他可以接受沒人使用時這個語言自然的凋零。
即使他是這樣想，但是因為我對孩子講台語，我發現他漸漸地也對孩子講台語，半年後，連夫妻的聊天也開始使用台語。
我自己很感激老公的支持，也因為台語這件事情，我在很多方面發生了改變，例如，我並不是很主動跟婆家聯絡的人，有次為了盪鞦韆的台語不會講，打電話向婆家求救，也為了小孩的台語環境比較常回婆家。
這個週末，參加完台語路經驗分享會後的隔天，我做了件以前不敢做的事情——跟不認識的人用台語聊天。之所以能有這樣的突破，我想，是因為分享會上，主講人跟其他成員讓我意識到自己還不夠積極，應該多做點什麼。
有時候台語漸漸不被使用，不見得是大家不會講，而可能是社會的氛圍讓大家不主動開口。最近一直聽到「打破同溫層」這樣的鼓勵，我便思考在台語這件事情上可以如何打破同溫層，所以我開始試著跟不關心這個議題的人用台語聊天，沒想到第一次嘗試就獲得良好的效果！
我用台語跟對方聊到我為什麼想跟小孩全台語，也聊到最近的政治局勢，算是同時雙管齊下吧！這次的交談對象也許不會因此改變他的看法或行為，但至少我已經得到了繼續努力下去的動力。
講台語不只是一種語言的練習，還是一種自我提升，代表了我們有信念，並且願意付出行動執行。
在華語強勢的環境下，我對小孩長大是否還會用台語並不是很有信心，但我覺得即使他後來不用台語了，聽到台語還是會覺得格外親切，因為爸媽用台語跟他講道理、表達愛，因為台語是象徵「家」的語言。