文：Bīng-ûn（「台語路經驗分享會」參加者）
台文翻譯：Nái-ka
台文顧問：陳豐惠 老師
一工閣一工，愈陪囡仔，就愈清楚到底想欲予伊過啥物款的生活。
佇伊滿七個月的這工，阮去台大附近的一間獨立冊店「台灣ê店」，聽一場「牽囡仔ê手 行台語ê路」舉辦的台語路分享會。原底叫是一場足清閒的聚會爾爾，想袂到來現場才發現，毋但有簽到簿仔、名牌、閣有專工為囡仔準備的𨑨迌所在，有一種：「阮是認真的！」的氣氛，予人感覺才拄坐–落去，就隨準備欲開始拍拚矣（笑）。開一間獨立冊店是足辛苦的代誌，尤其是內底排的又閣攏是少年仔已經漸漸仔無咧掛意的物件；講台語閣愈苦，有時仔甚至連厝內人都無認同。
參加分享會進前，我一直有佮囡仔用台語溝通的這个想法，煞一直停佇「想–著才講」
的階段，閣咧躊躇到底愛講到啥物款的程度才有夠額，siāng時閣不時接收著序大「台語阮來教就好，恁做爸母的應該佮伊講華語，無，伊會綴人袂著」的「軟性苦勸」——華語教育真正共人洗腦洗甲足澈底的，連阮母仔家己母語是台語的人，加減攏有「華語較高尚」的想法。
一直攏想欲踏出這步，想袂到等你真正提出勇氣的時陣，全世界攏會共你鬥相共。
佇分享會的時，囡仔誠捀場，自頭到尾攏乖乖仔坐佇阿媽跤腿頂面上課，閣一直佮隔壁阿叔阿姨相借問（笑）。佮我做伙參加的翁婿佮大家攏非常認真，就算講大家的爸母是綴國民黨逃亡到台灣來的、正港的「外省仔」，全家8、9个囡仔，應該干焦伊因為嫁予阮大官，自按呢共身份認同對「中國人」轉做「台灣人」（佇in彼爿的家族聚會，閣會有人共我的囡仔講：「你真gâu，中國有希望矣！」這款話呢）。In雖然會曉講「Hō-ló（福佬）話」（大家的阿母是對中國福建來的），毋過自細漢規家伙仔攏講華語，雖罔嫁予大官這个「本省」的，為著「教囡仔」，規家伙仔原仔攏講華語。所以彼工轉去厝了後，大家足自然就佮阮翁仔某講台語矣，予我掣一趒。
我是一个正港的屏東東港人，十外歲就起來台北到今。我想，猶閣留佇屏東遐的同學佮親情，袂像我有遮爾仔強的危機意識；佇遮，講台語別人會感覺你足奇怪、甚至予人歧視，嘛揣無環境會當一直講–落去。
這場分享會予我感覺真正足感動，原來有一陣人當咧做我猶閣無勇氣去做的代誌，佇母語已經漸漸仔欲消失的環境之下，猶原無放棄這个代表阮身份的語言，伊是遮爾仔媠，媠甲予人感動。
分享會了後，我一直咧反省佮思考，為啥物遮爾仔媠的語言我欲共放拺去？為啥物欲管待別人會按怎共阮看？我的翁婿嘛予我足濟勇氣，自細漢佇都市大漢的伊，無人會佮伊講台語。分享會進前，我上䆀的按算是：上無厝–裡閣有我一个人佮囡仔全母語；毋過，阮翁心內一直想欲共家己的文化揣倒轉–來，無想欲干焦講殖民者的語言。
雖然佇分享會現場，大部份攏是為著欲予囡仔會當講台語才來參加的阿母（莫怪人講「為母則強」），毋過阮翁佮我仝款攏感受著這陣人的拍拚，尤其演講者上尾一頁PPT，幾个大字「同齊拍拚來建立新國家」就現現寫佇遐，看起來不止仔敏感，若像強欲予人舉報做台獨份子矣（笑），想袂到煞直接予伊聽入心–去。
這種「建國」的講法，其實並無算講是一般的論點，獨立/無獨立顛倒攏共問題講甲傷狹矣；這予阮意識著：「台語」的處境一直就親像「台灣人」仝款：會曉講台語的人愈來愈少，毋是無，毋過咱一直共強勢的華語向頭，認為無要緊啊，「母語佇厝–裡學就好」、「阿公阿媽教」就好。按呢長期吞忍，結果就是足濟少年人甚至已經失去這个能力；這就親像台灣人佇國際上的處境，咱認為「無要緊、無辦法」，或者是「時勢所逼，咱干焦會當按呢，無法度有一个正常的國家」。
毋過阮發見佇這个講座有足濟人攏佮阮仝款對現狀不服，自按呢就用tshuā囡仔做伙共家己的母語講–轉來的方式，共屬於台灣人家己的文化揣倒轉–來，in的精神佮態度誠實予阮大大受鼓勵。心態誠健康的翁婿定咧講：別人按怎想，he sī in-tau ê tāi-tsì–lah！（彼是in兜的代誌啦！）
阮決定欲做一个勇敢的台灣人。囡仔，向望阮予–你的世界，是予這个美麗的語
言所充滿、用這个美麗的語言來起造的世界。後改恁若拄著阮這口灶，請恁莫共阮笑，抑是感覺足奇怪，因為阮欲轉來做全母語家庭啦！
一天又一天，越是陪著小孩，想要給他的生活輪廓就漸漸越清楚。
在他滿七個月的這天，我們去了台大附近的獨立書店「台灣ê店」，聽了一場由「牽囡仔ê手 行台語ê路」舉辦的台語路分享會。本以為可能就是悠悠閒閒的聚會，沒想到一到現場，不只有簽到簿、名牌、還有為小孩準備的玩樂區域，透露一種：「我們是來真的！」的氛圍，讓人一入座就準備發憤圖強（笑）。
開一家獨立書店是很辛苦的事，尤其當裡面擺的又都是年輕人漸漸已經不在乎的東西；講台語更苦，有時候甚至連自家人都不認同。
參加分享會前，我一直有和小孩用台語溝通的念頭，但一直停在「想到才講」的階段，同時遲疑著要講到怎樣的程度才夠，期間還不斷接收到長輩「台語我們來教就好，你們父母應該跟他說國語，否則他會跟不上」的「軟性勸阻」——只能說華語教育真的洗腦的很徹底，連我母親自己是台語為母語的人，或多或少都有「華語比較高尚」的想法。
一直都想踏出這步，沒想到當你鼓起勇氣，全世界都會幫你一把。
分享會上小孩非常捧場，從頭開始乖乖坐在阿嬤腿上上課，還不斷跟隔壁叔叔阿姨搭訕（笑）。和我一起出席的先生跟婆婆非常投入，即便婆婆的爸媽是跟隨國民黨逃到台灣來的、不折不扣的「外省人」，全家8、9個小孩，應該只有她因為嫁給我公公，而將身分認同從「中國人」轉為「台灣人」（在那一邊的家族聚會上，是會有人對著我的小孩說：「你真棒，中國有希望了！」這樣的話呢）。他們雖然會講「福佬話」（婆婆的媽媽來自中國福建），但從小全家人都說華語，即便嫁給公公這個本省人，為了「教小孩」仍然全家都講華語。所以當那天回家，婆婆非常自然地加入我跟老公講台語的行列，可以想見我的驚訝。
我是個土生土長的屏東東港人，十幾歲就上來台北到現在。我想，那些仍留在屏東的同學親戚們不會像我有這麼強的危機意識感，在這裡，講台語會被投以異樣眼光、甚至被歧視，也找不到語境可以一直講下去。
分享會中我深受感動，原來有一群人正做著我還沒有勇氣做的事，在母語已經式微的環境下，仍然不放棄這個代表我們身分的語言，它是如此之美，美的令人動容。
會後我一直反思，為什麼我要揚棄這麼美麗的語言？為什麼要在意世俗的眼光？而我的先生給了我勇氣。從小在都市長大的他，沒有人會跟他講台語，會前最壞的打算是至少家裡還有我一個人跟小孩全母語，但先生內心一直想把自己的文化找回來，不想只說著被殖民的語言。
雖然分享會現場幾乎都是為了讓小孩能講台語而參加的媽媽（只能說為母則強），但先生和我一樣深深感受到這群人的努力，尤其講者最後一頁PPT，映入眼簾的是「一起為建立新國家努力」幾個大字，看起來遊走危險邊緣，好像要被舉報是台獨份子了（笑），但直接打中他的心。
這個「建國」的脈絡其實並不太是一般的論調，獨不獨立把問題都說小了，反而讓我們意識到，一直以來「台語」的處境就像是「台灣人」：會說台語的人越來越少，不是沒有，但我們不斷向強勢的華語低頭，認為沒關係，「母語在家學就好」、「阿公阿嬤教」就好，長期隱忍的結果就是許多年輕人甚至喪失了這個能力；這就像是台灣人在國際上的處境，我們認為「沒關係、沒辦法」、或者「時勢所逼，我們只能這樣，沒辦法擁有一個正常的國家」。
所以當我們意識到這個講座上的許多人都跟我們一樣，不願對這樣的現狀屈服，而是付出自己的精神與態度，帶著小孩、透過講回自己的母語，把屬於台灣人自己的文化找回來，都深受鼓舞。心靈富足的先生常說：別人怎麼想，he sī in tau ê tāi-tsì la！（彼是in兜ê代誌啦！）
我們決定做個勇敢的台灣人。孩子，希望我們能給你的世界，是這個美麗的語言圍繞、建構著的世界。下次見到我們一家，請不要笑我們，或是覺得奇怪，因為我們要回歸全母語家庭啦！