台語路相談室 Ep.7 孩子一句台語都聽不懂耶，怎麼辦。(台華對照)
台語路相談室 Ep.7
文：阿菱
製圖整理：A-iông
Q：我發見講阮兜的囡仔連一句臺語都聽無呢！ 大人通用臺語講祕密，攏免驚會予囡仔聽有，而且囡仔已經足gâu講華語矣，我應該按怎開始佮囡仔講臺語咧？
A：大人開喙佮囡仔講，囡仔才有機會學，若毋知影欲對佗位開始，會使對伊捷聽的畫本，字較簡單的畫本、唱歌、唸謠開始。
囡仔需要大量的機會去聽人講臺語，才有可能聽有臺語，甚至開喙講臺語。
嘛會使對家己想欲佮囡仔講臺語的動機開始討論，沓沓仔轉做講臺語，親像：共生活中上捷講的一句話，轉做用臺語講，講煞會使閣用華語翻譯，紲落來沓沓仔轉做講臺語就好，減用華語翻譯。
真濟爸母共臺語用佇咧講祕密的時陣，自按呢無想欲予囡仔會曉這个語言，真正足可惜的，囡仔就按呢無機會接觸著這个美麗的語言，嘛無機會接觸著這个語言深層的文化，閣較無機會去傳承對這个語言的情感，對囡仔來講，實在足無彩。
Q：我發現我家孩子一句台語都聽不懂耶，是用台語說祕密，小孩也完全聽不懂的那種。
A：是啊！大人開始和孩子說，孩子才有機會學，如果不知道從何開始，可以從她很熟悉的繪本，文字很簡單的繪本、唱歌、唸謠開始。
孩子需要大量地聽的機會，才有機會學會聽得懂台語，甚至開口說台語。
也可以從自己為何想跟孩子講台語的動機跟孩子討論，漸進式跟孩子轉換成台語，如：由日常生活中最常使用的一句話，轉換成台語，後面可以使用華語翻譯，然後漸進式地轉換成使用台語，降低華語的翻譯。
很多父母都將台語當成說祕密的語言，避免孩子學會，不過這樣真的很可惜，孩子就沒有機會接觸這個美麗的語言，也沒有機會接觸到這個語言蘊含的文化，也沒辦法傳承對這個語言的情感，對孩子來說，真的很可惜。