221世界母語日，
感謝知名主持人美人姐 于美人、弘儀大哥 鄭弘儀 做陣為母語日贊聲！
美人姐kah弘儀大哥過去時常佇新聞開講節目，挖出觀眾毋知的代誌。In 主持kah訪問的功夫實在是主持界的頭人。
這擺編ê嘛向美人姐kah弘儀大哥致敬，挖出世界母語日的由來予逐家知。
世界母語日ê由來
自2000年開始，逐冬ê 2月21日是世界母語日，嘛叫做國際母語日，是聯合國教科文組織，佇1999年第30屆會議當中所決定ê。
會選佇這个日子，
是為著欲紀念五名學生，佇咧1952年2月21日這工，
因為參與孟加拉語言運動，予軍警銃殺失去性命。
這場保護孟加拉語ê運動，
成做歷史上頭一層人民無惜性命，為著保護家己母語ê運動。
世間人愈來愈了解語言ê重要性，相紲產生「語言權」ê概念，
咱人無分種族、信仰、文化、出身，攏有權利使用家己ê母語。
「國際母語日」宣佈了後，世界各地嘛起造真濟語言紀念碑，
提醒世人（sè-jîn）佇半世紀以前，有一陣人為著欲保護家己ê母語來犧牲，而且呼籲守護世界上所有ê語言。
參考
國際母語日的由來：歷史上第一次用生命捍衛母語的「孟加拉語言運動」（by 麻瓜的語言學）（部份引文翻譯已獲原作授權）
#歡喜講母語你我來做起