文：A-lîng（台語路編仔）
溫馨提醒：本文為 #台華對照，若還不太熟悉台文的朋友可以慢慢看，不懂的地方，可以對照下方華文喔！
台文版
前一站仔，看著 #鄭順聰 老師有建議：會使免kā台語當做議題，顛倒是ài kā台語當做食飯、坐車、唱歌、看戲hiah四常ê代誌。雖然我參囡仔講台語已經超過4冬ê時間，mā沓沓仔kā台語抾轉–來，得欲4冬ê時間，m̄過一直到最近，我才真正有用台語過日子ê感覺。
猶會記得「牽囡仔ê手 行台語ê路」迷眾頁起鼓了後頭一擺開會，幾个彼當陣ê編輯約tī餐廳，差不多開講5點鐘，自頭到尾用台語，隔壁桌攏直直相gún這桌，其實彼陣gún mā對家己會當用台語討論推捒事工，討論5點偌鐘，感覺真不可思議，到tann，這款不可思議ê代誌，已經成做gún ê日常生活。
踮厝防疫生活進前，差不多逐工to kah台語路ê同伴鬥陣共學、討論事工，當然攏是用台語對談。就算這má踮厝防疫，這種用台語討論各種議題ê機會，顛倒lú來lú濟，因為這站仔台語線頂討論會發展實在真緊猛，kiông-beh逐禮拜攏有台語線頂討論會囉，台語路mā有真濟有志私底下發起讀冊會，無論是教養抑是台文相關ê冊，mā攏是用全台語來討論，真正是練習台語ê好機會。
最近線頂討論會整理：https://www.facebook.com/105895764128461/posts/581789916539041/?d=
我家己上困擾ê是出外時，kah店頭家講台語，因為我是面皮khah薄ê人，定定掛意別人對家己ê看法，所以我寢頭仔攏是tshuā囡仔出門ê時，頭家聽著我kah囡仔講台語，我才順勢kah頭家抑是店員講台語。一直到這幾個月，我才提出勇氣，tī開喙beh kah店員講話進前，先kā店員講：「我kám方便講台語？」通常攏有真好ê回應，講台語講kah真輾轉ê少年店員會隨轉換做台語頻道，mā盡量講台語，會曉聽、無啥會曉講ê店員會台華濫leh講，m̄過若是拄著小可有歲ê台語人煞無一定會回台語，甚至會講：「你kah我講國（華）語就會使矣。」進前，我若按呢聽著會小可無歡喜，m̄過我想應該是因為in是受著國語運動迫害上嚴重ê族群， 這má我會回應講：「因為我想beh練習台語。」通常in就會台華濫，ài in彼沿用全台語講話真正是無簡單。
這幾個月ê經驗我有一寡感想，若是無先問：「我kám方便講台語？」店員轉用全台語ê機會khah低，極加是台華濫，khah-bē有意識轉做全台語，而且我家己khah-bē因為店員ê態度無好，懷疑是我講台語ê關係，頭起先我有好禮仔問，所以若是店員若講會使，就m̄是台語造成ê問題。究其然本成就有ê店員態度好，有ê店員態度無好，通常面對講華語人客面腔mā無蓋好ê店員，我想伊對講台語ê人客mā bē蓋好，這个感想，對我這種面皮khah薄ê人來講，實在是真有幫助，bē因為對方ê態度煞勼去。
分享我ê經驗hōo kah 我仝款面皮薄ê朋友，若是閣khah濟人出外用台語對話，台語就會lú健康，若是一个人去10間店攏講台語，就有10間店會慣勢人客講台語，若是10个人就有100間店，若是100个人就有1000間店，這實在是足驚人ê數字，所以想beh邀請逐家做伙來用台語過日子。
華文版
前一陣子，看到 鄭順聰 老師有建議：不要把台語當作議題，而是當作吃飯、坐車、唱歌、追劇那樣平常的事。雖然我和孩子講台語已經超過4年，這段時間也慢慢將台語撿回來，不過一直到最近，我才真正有用台語過生活的感覺。
還記得「牽囡仔ê手 行台語ê路」粉絲頁開張後第一次開會，我們幾個當時擔任小編的伙伴約在餐廳哩，開會、聊天大概5個小時左右，從頭到尾都是講台語，隔壁桌都一直往我們這桌看，其實那時候我們對於自己能用台語討論推廣的工作，討論5個小時也覺得很不可思議，如今，這樣不可思議的事情，已經成為我們的日常。
居家防疫生活前，幾乎每天都跟台語路的伙伴一起共學、討論，當然這些都是用台語對談。就算現在居家防疫，這種用台語討論各種議題的機會，反而是越來越多，因為這陣子台語線上討論會如雨後春筍般發展，幾乎每個禮拜都有台語線上討論會囉，台語路也有很多伙伴私下發起讀書會，無論是教養或是台文相關的書籍，全都是用全台語來討論，是個練習台語的好機會。
我自己最困擾的是外出時和店家講台語，因為我是個臉皮比較薄的人，常常在意其他人對自己的看法，所以剛開始都藉著帶孩子出門，店家聽到我和孩子說台語，我才順勢和老闆或店員講台語，一直到這幾個月，我才提起勇氣，在開口之前，先問店員：「我kám方便講台語？」通常我都得到滿好的回應，如果是台語流利的年輕店員會轉成台語頻道，也盡可能說台語，會聽不太會說的店員則會台華交錯講，不過如果是遇到稍有年紀的台語人卻步一定會回台語，甚至會說：「你跟我說國（華）語就可以了。」如果是以前，我聽到會有點不高興，不過我想是因為他們那一輩是受到國語運動迫害最嚴重的那一群，現在我會回應他們：「因為我想beh練習台語。」通常他們就會轉成台華交錯講，想要他們那一輩用全台語講話實在不是件容易的事啊！
這幾個月的經驗，讓我有些心得，如果沒有先詢問：「我kám方便講台語？」店員轉成全台語的機會很低，頂多是台華交錯講，較不會有意識地轉成全台語，而且我個人比較不會因為店員的態度不好，就懷疑是我講台語的關係，一開始我有詢問過店員，所以如果店員說可以，那就不是台語造成的問題。畢竟本來就有的店員態度好，有的店員態度不好，通常面對講華語的客人臉色不太好的店員，我們也不用期待他對講台語的客人會多好，這個心得，對於臉皮比較薄的我來說，真的很有幫助，不會因為對方的態度就縮回去。
分享我的經驗給其他和我一樣臉皮薄的朋友，如果有更多人在外講台語，台語就會越健康，如果一個人去10間店都講台語，就會有10間店習慣客人說台語，如果有10個人就有100間店，如果100個人就有1000間店，這數字真的很驚人，所以想邀請大家一起來用台語過生活。