文/圖：Angel（台語路共學團團員、台語路體驗活動組組長）
台文翻譯：A-ian
台文顧問：陳豐惠 老師
台語路裡的刺phè
全台語到今，量其約一冬，開始講以後才發覺，家己的台語其實猶誠茈，到今猶有蓋濟袂曉講的詞彙，定定愛查字典、做筆記。
而且，厝–裡干焦我家己一个人咧和囡仔講台語，阮翁是全華語。有人問–我，干焦你一个講台語，欲按怎堅持–落去？敢有拄著啥困難？
我想，規个過程，有團體鬥支持，猶是扮演誠關鍵的力量。
我有兩个囡仔，第二的一出世就全台語，佇伊滿兩歲了後，會使明確講出來的單字大概60-70个，完整的句偏少，我煩惱敢是因為台語和華語濫摻用，害伊產生語言混亂，致使伊講袂出喙。
我tshuā伊去病院評估語言發展，得–著的答案，有影和我按算的相siâng：治療師希望厝–裡用一種語言和囡仔交流就好。
就佇這陣，誠無簡單才接受我和伊講台語的大漢查某囝嘛咧怨嘆：「阮學校攏無人講台語，我嘛無愛講台語矣，橫直嘛無人聽有，是按怎欲講台語？」聽著這个問題，對我來講實在是「無米兼閏月」……。
自按呢，我開始陷入選擇台語抑是華語的交戰，因為阮翁完全袂曉講台語，嘛無感覺一定著愛講，若干焦thang用一種語言，敢講著百面愛放棄台語？想著愛放棄這一冬的堅持，甚至放棄鬥陣拍拚的共學團體，心內足毋甘。躊躇規晡，不時咧問家己：敢講就無雙頭好的方式？
佇我當咧苦惱的時，我共台語共學團的朋友請教。
其中囡仔嘛去讀幼稚園的朋友講：「歡迎做伙繼續參加共學。阮兜嘛是阿爸全華語，所以囡仔兩種攏會通，後–來佇幼稚園閣接收著大量的華語，毋過轉來到厝和我就是講台語，來共學伊嘛自然會講台語，囡仔其實分甲誠明。我講台語是因為家己想欲講，嘛欲愛我的囡仔會曉講，向望伊了解，而且認捌著講媽媽的語言是一種足自然的代誌。」
另外一位朋友的囡仔已經四歲，這馬台語足輾轉，伊講：「阮後生三歲的時陣猶閣無啥會曉表達，阮去評估了後，醫生有真濟無仝的講法，其中一位閣表示多種語言攏無要緊，敢需要咱或者是其他長輩共伊鼓勵支持？」
閣有一位嘛有兩个囡仔的朋友，認為我的囡仔才兩歲外，和其他的查埔囡仔相比較，捌的字句並無較少，而且嘛會當理解大人講的話，檢采會當閣觀察，免急，甚至滾耍笑講：「你真緊就會聽著in答喙鼓冤家矣，紲–落來就會感覺進前的日子其實真安寧……」
佇收著遮濟溫暖的回應了後，我決定繼續講台語，而且，佇一擺拜訪囡仔阿祖的過程中，因為in用台語和阿祖交談，予祖孫仔感情閣較峇，阿祖講：「這个會曉講台語，台灣囡仔本成就愛講台語！按呢誠好！」予我閣一擺受著鼓勵。
後–來，阮第二的，佇2歲6個月的時，總算會曉講完整的句矣！前一站仔去參加桃園防災體驗轉–來了後，閣定定咧唸：「我欲做消防隊員！」「我有去拍火喔！」佇團體內底嘛會當和其他囡仔溝通交流。
我總算免閣煩惱甲睏袂去，好佳哉家己有繼續堅持–落去，嘛閣較感謝台語路的友志，陪我一路過五關斬六將，予我溫柔閣堅定的支持。
歡迎想欲開始講台語的家庭做伙加入阮共學團！
台語路上的荊棘
全台語至今約一年左右了，開始講之後才發現，自己台語其實還很菜，直到現在仍有很多不會說的詞彙，常常需要查字典、作筆記。
而且，家中只有我自己跟孩子說台語，先生則是全華語。有人問我，只有你一個說台語，如何堅持下去？有遇到什麼困難嗎？
我想，這個過程中，有團體的支持，還是扮演了關鍵的力量。
我有兩個孩子，老二一出生就全台語，在他滿兩歲之後，可以明確出來的單字大概60-70個左右，完整的句子偏少，我擔心是否因為台語和華語交替使用，讓他產生語言混淆，導致他說不出口。
我帶他去醫院評估語言發展，果然得到的答案跟我所推測的一樣：治療師希望家中用一種語言和孩子交流就好。
就在這時候，好不容易接受我跟她說台語的大女兒也發難：「我們學校都沒有人說台語，我也不要說台語了，反正也沒有人聽得懂，為什麼要說台語？」聽到這個問題，對我來說是更是雪上加霜……。
於是，我開始陷入選擇台語或華語的交戰中，因為先生完全不會說台語，也不覺得非說不可，如果只能用一種語言，難道就勢必要放棄台語嗎？想到必須放棄一年來的堅持，甚至放棄一起共同努力的共學團體，心中滿是不捨。掙扎了許久，時常自問：難道就沒有兩全其美的方式嗎？
在我苦惱不已的時候，我向台語共學團的朋友們請益。
其中孩子也去上幼兒園的朋友說：「歡迎一起繼續參加共學。我家也是爸爸全華語，所以孩子兩種都會講，後來在幼稚園裡更是接收到大量的華語，但回到家和我就是說台語，來共學他也自然講台語，小孩其實分得很清楚。我說台語是因為自己想說，也要我的孩子會說，希望他認識，並且認為說媽媽的語言是一種自然不過的事情。」
另一位朋友孩子現在已經四歲，現在台語說得非常溜，她說：「我兒子在三歲的時候也還不太會表達，我們去評估之後，醫生有很多不同說法，其中一位更是表示多種語言都沒關係，是否需要由我們或是其他長輩給他鼓勵支持？」
還有一位也有兩個孩子的朋友，認為我孩子才二歲多，相較其他小男孩來說，會的字句並沒有比較少，且也能理解大人說的話，應該可以再觀察，不用急，甚至開玩笑的說：「你很快就會聽到他們鬥嘴吵架了，然後會覺得之前的日子其實蠻寧靜的……」
在收到許多溫暖的回應後，我決定繼續說台語，而且，在某次拜訪孩子曾祖母的過程中，因為他們用台語和阿祖交談，讓曾祖孫感情更融洽，阿祖說：「這个會曉講台語，台灣囡仔本來就愛講台語！按呢誠好！」再次讓我受到鼓勵。
後來，老二在2歲6個月的時候，終於可以說出完整的句子了！前陣子去參加桃園防災體驗回來之後，更常常說：「我欲做消防隊員！」「我有去拍火喔！」在團體中也能和其他小孩進行溝通交流。
我總算放下心中的大石頭，也很慶幸自己有繼續堅持下去，更感謝台語路的夥伴們，陪我一路劈荊斬棘，給予溫柔又堅定的支持，歡迎想要開始說台語的家庭一起加入我們的共學團！