文：醫龍（台語路共學團員）
台文翻譯：TWkid
台文顧問：陳豐惠 老師
野生動物保育佮母語傳承
回想半冬前佮阮囝轉全台語，用無蓋輾轉的台語讀畫本，頭一工就予阮翁問講我「是咧著猴，是毋？」XD
我的台語嘛毋是特別好，拄開始佇公共場所，譬如講捷運、公車、公園，欲和囡仔講台語，我攏會足歹勢，細細聲仔，袂輸家己佮別人攏無親像仝款。
毋過就按呢沓沓仔練膽量，佮其他的台語媽媽做伙講，久–來嘛竟然就共失落的母語抾倒轉–來。
這馬毋但對家己佮其他的囡仔講台語故事，閣準備欲開設台語親子自然觀察活動（詳細看 野塾）
佮囡仔行這條台語路，我上頭仔的動機其實真單純，因為我和我的翁婿就是佇講母語的家庭內底成長大漢的，只不過落尾出外讀冊、出社會了後真罕得用著母語，致到佮這个語言斷站真久，到甲我做人老母，才猛醒：假使我若無參我的囡仔講母語，伊就袂曉講矣。
這馬逐工出門，攏會搪著過路人共我講：「妳教囡仔講台語喔！佮囡仔講台語的少年爸母真罕見矣！」就是因為按呢，予我閣較體會著母語流失的嚴重性。
對我來講，「使用母語」佮「野生動物保育工作」真相siâng，攏是咧保護台灣的根本，我想欲共這兩件代誌結合起來，成做我後一階段的工作目標。
阮翁捌問–我，準講囡仔袂曉講母語，伊佇這个社會嘛仝款會使過了好勢好勢，為怎樣欲堅持和伊全母語？斟酌思考了後我才發覺，原來是我無想欲予母語佇阮兜消失、斷根，閣較深入的，其實是一種文化佮民族認同。
真歡喜佇這條路–裡會當拄著一陣願意佮囡仔講母語的媽媽，這支短片〈暗光鳥〉，是咧講每一位台語媽媽的努力佮堅持，希望逐家看過了後，嘛會用得共恁打動，開始佮囡仔講母語，這馬就是上好的開始！
https://lkkpomia.tgb.org.tw/posts/108/videos/13
野生動物保育與母語傳承
回想起半年前跟兒子轉全台語，用不太「輾轉（liàn-tńg）」的台語唸著繪本，第一天就被老公問說我是「著猴（tio̍h-kâu）」嗎？XD
我的台語也沒特別好，一開始在公眾場合例如捷運、公車、公園，要跟孩子說台語我都很害羞，小小聲地，感覺自己像異類一樣。
但就這樣慢慢練膽量，跟其他台語媽媽們一起說，漸漸的竟然就把失落的母語撿回來。
現在除了對自己跟其他孩子說台語故事，還預計開台語親子自然觀察活動（詳情見野塾，這真是很大的轉變呢！
和孩子走這條台語路，我一開始的動機其實很單純，因為我和我先生就是在說母語的家庭中長大的，只是隨著出外讀書、出社會之後很少用到母語，以至於跟這語言失聯很久，直到當了母親之後， 才驚覺：如果我不和孩子講母語，他就不會說了。
現在每天出門，都會遇到路人對我說「妳教孩子台語呀！跟孩子說台語的年輕父母很少見了！」正因為如此，更加體會到母語流失的嚴重性。
對我來說，「使用母語」跟「野生動物保育工作」很像，都是在保護台灣的根本，我想把這兩件事結合起來，作為下一階段的工作目標。
先生曾問過我，就算孩子不會說母語，他在這個社會也是可以活得好好的，那為什麼要堅持跟他全母語？思考後我才發現，原來是我不想讓母語在我家消失、斷根，更深層的，其實是一種文化與民族認同。
很高興在這條路上能遇到一群願意跟孩子說母語的媽媽，這個短片〈暗光鳥〉，是在訴說每位台語媽媽的努力與堅持
，希望大家看過後，也能觸動你們，開始跟孩子說母語，現在就是最好的開始！
https://lkkpomia.tgb.org.tw/posts/108/videos/13