文/華文翻譯 茄苳 （分享會小組長）
這工現場參加的人誠濟，位一下仔就坐甲欲滇–矣。（閣共線頂參加的人摻摻起來，差不多有4、50个。）
事前吩咐工作人員鬥紥台文出版品來展覽真正足重要！先到位的人，看著阮排出來遮濟台文出版品，in足有趣味一直掀一直看。我佮阿菱tī 邊仔那共in介紹（細膩盡量莫擾吵–著，有先問講：「敢有需要我共你介紹?」），發現，有qrcord通翕的冊誠受歡迎–喔！（qrcord若是有分做規本讀佮分章讀的，是上蓋理想的。）
講座時間到–矣，大腹肚的主講人力玄（這是伊的第三胎，後個月就欲生–矣-喔）。伊坐好一下開喙，親切閣開朗的聲音，隨共在座所有的人的目睭涎–過去。我那看力玄講，那感覺力玄的動作若親像無蓋順手，佳哉 立婷和 露易絲一个替伊提枕頭、一个替伊撨電腦，總算是較好勢–矣。
力玄一開始先講著伊家己的「台語路」的故事，其實，力玄自細漢爸母攏無和伊講台語，對台語的印象干焦足細漢、足細漢的時陣，阿媽對伊講的台語。所以，等甲力玄透過對台灣歷史的了解、看著身軀邊有人對囡仔講母語，意識著家己的「母語」是台語、想欲對囡仔講的時陣，台語是足無輾轉–的。
（聽到遮，在場的人可能真濟有同感，畢竟咱這沿的，細漢真濟人攏無機會開喙講台語。）
紲落來，力玄𤆬逐家回顧台語的歷史，予逐家去思考「國語」這个詞，佇無仝時代意思敢有相仝?閣有，佇一、兩百冬前的台灣，聽著的，是啥物語言？
加上文獻、圖表，（像台灣頭一份報紙是台語寫的、台語一百年前就有台語的醫學冊…等等）予逐个了解，台語是經過二擺「國語政策」才漸漸退出咱的生活的，毋是一開始就無存在–的！
（這段講甲實在足精彩，一定愛現場聽力玄講。）
閣來，為著欲鼓勵逐家共母語講轉來、對囡仔講母語，力玄整理幾个因素：情感連結、歷史正義、文化傳承、語言發展、自我認同，來說明母語的重要性。
過去、這馬、未來，母語對咱攏足重要，足值得咱去重視！
落尾有一个分小組討論的時間。我這組有四个人：
一位學校的老師想欲佮學生講台語，希望了解較濟台語的教學方式（有按呢的老師是學生仔的福氣）；
一位阿爸誠用心佮囡仔講台語，煞定定揣無台語資源（足有心的阿爸）；
一位阿母有四个囡仔，大漢的無愛講台語，干焦會當對細漢的講（這位阿母是一个醫生，而且有經營迷眾頁，是能力足好的阿母）；
一位阿母蹛日本，家己一个人對囡仔講台語，足希望佇日本組台語共學（有夠感心的啦）！
我聽這幾个大人講出in心內對台語的感情，閣有對台語教育的向望。針對每一个人的狀況，予in我的建議。
我共in講，其實，台語共學無咱想的遮爾困難，上蓋簡單就是對招人去公園仔𨑨迌thit-thô，用台語唸故事予囡仔聽，鬥陣食點心，就算是台語共學–矣！
若是講著台語的資料，確實目前佮華語、英語的教材、課程袂比–得，毋過， #有路咱沿路唱歌，#無路咱蹽溪過嶺。咱會當面皮較厚–咧，去問本來用華/英教課的單位、教師，敢有才調用台語開課? 家己招、家己開，沓沓仔台語的資源會愈來愈濟！
像台語路的家長，毋但家己招課，閣家己開台語課、做全新的台語囡仔歌、錄台語podcast等等，2022年閣計畫出一本新的台語繪本佮專輯–呢！
台語目前是一个猶足需要開發的市場，#台語是一門好生理，逐个做伙來「開發家己的潛能」！
我會記得阮囡仔細漢的時陣，根本就無人咧開台語的課抑是活動，連台語繪本、台語囡仔歌攏足罕得看–著。
這幾年，台語課程佮活動、台語出版品那來那濟，這馬決心欲轉台語家庭的親子其實資源已經有較濟–矣。
咱台語人只要繼續仝心拍拚，#台語一定會出頭天–啦！
講座上尾仔，力玄針對無仝年歲的囡仔、台語程度無仝的親子，各種情形去分析，提供有效的策略來幫贊有心欲佮囡仔講台語的家庭去執行看覓。
結束進前，我看著彼張 #一條溫柔閣堅定ê台語育囝路 的圖，目屎強欲輾–落來。
這是一條猶無蓋濟人行，但是已經上路的人攏足堅定的台語育囝路，誠懇邀請逐个做伙來行！
華文版
這天現場參與的人數很多，位子一下子就快要坐滿了。（加上線上學員，差不多有將近4、50人）
事前交代工作人員幫忙帶台文出版品來展出真的很重要，提早到的人，看到我們陳列出這麼多精彩的台文出版品，個個都好奇地一直翻、一直看。
我和阿菱在一旁為學員介紹（特別小心不打擾專注閱讀的學員，介紹前先問一聲：「請問需要幫忙介紹嗎?」）
我發現有QRcord音檔可掃的台文書很受歡迎呢！QRcord音檔若是分為「整本音檔」和「分章音檔」是最理想的。
講座時間一到，身懷六甲的主講人力玄（這是她的第三胎，下個月就要生了喔！）坐好打開麥可風，她親切開朗的嗓音立刻把台下所有學員的目光吸引過去。
（我當時看著力玄講話好像有點吃力，好在立婷和露易絲反應極快，一個遞靠枕、一個幫忙調整筆電的角度，總算看到力玄用較為輕鬆的姿勢演講了。台語路的夥伴真的很團結啊！）
力玄一開始先講到她自身「台語路」的故事。事實上，力玄的父母從她小時候都沒有和她講台語。力玄對台語的印象僅存非常非常年幼的時候，阿媽和她講過的台語。
所以，等到力玄透過對台灣歷史的了解、看到身邊有人對小孩講母語，意著到「自己的母語是台語」，於是生了孩子決定要對小孩講台語的時候，她那時的台語是很弱的。
（聽到這裡，在場應該有蠻多人有同感，畢竟我們這一輩的，很多人小時候都沒機會開口講台語啊）
接下來，力玄帶著大伙回顧台語的歷史，讓大家去思考「國語」這個詞，在不同時代其代表的意義是否相同？還有，在一、二百年前的台灣，四周圍聽到的，是什麼語言呢？
加上文獻、圖表（例如台灣第一份報紙是台語寫的、台語一百年前就有台語的醫學書…等等），讓大家了解，台語是經過二次的「國語政策」，才逐漸退出我們的生活，並非一個從來不曾存在的語言！
（這段講得實在很精彩，一定要現場聽力玄講。）
再來，為了鼓勵大家把母語講回來，並且對孩子講母語，力玄整理了幾個因素：情感連結、歷史正義、文化傳承、語言發展、自我認同，來說明母語的重要性。
過去、現在、未來，母語對我們來說都非常重要，非常值得我們去重視她！
接著有一個分小組討論的時間。
我這組共有四個人：
一位是學校的老師想和學生講台語，希望了解更多台語的教學方法（有這樣的老師是學生之福）；
一位是台語阿爸非常用心，平時都和他的小孩講台語，卻常常找不到台語資源（好有心的阿爸）；
一位是台語阿母有四個小孩，大的比較不願意講台語，她目前專心對二個小的講台語（這位阿母是一位醫生，而且有經營粉專，是一位能力很強的阿母）；
一位是住在日本的台語阿母，自己一個人堅持對小孩講台語，非常希望在日本自組台語共學（真是太感人了）！
我聽這幾位學員講出他們心裡對台語的感情，還有對台語教育的期望。針對他們每一個人的狀況，給他們我的建議。
我跟他們說，其實，台語共學不像我們所想像的門檻這麼困難喔。最為簡易的台語共學，就是從約共同理念的朋友到公園一起玩開始，用台語唸故事給小孩聽，一起吃點心，就算是台語共學了呢！
若是談到台語相關資源，確實目前和華語、英語的教材與課程比起來，台語算是小蝦米遇見大鯨魚。
不過， #有路咱沿路唱歌，#無路咱蹽溪過嶺。我們可以當教育先鋒，臉皮厚一點，勇敢一點，詢問本來用華/英教課的單位或教師，是否有辦法用台語開課?自己找、自己開，慢慢地在大家的努力之下，台語的資源就會越來越多了喔！
舉例來說，台語路的家長，不但自己找老師開課，甚至依各自專長開設五花八門的台語課程、製做全新的台語囡仔歌、錄製台語podcast等等。2022年還計畫推出繪本和專輯呢！
「台語」目前是一個仍極待開發的市場，#台語是一門好生理，大家捲起袖子一起來「開發家己的潛能」吧！
（我記得七年前，我家小孩小的時候，根本就沒有人在開台語親子課或是活動，連台語繪本、台語兒歌都找不太到。
這幾年，台語課程和活動、台語出版品越來越豐富，如今，下決心要轉為台語家庭的親子其實有很多台語資源可運用喔。）
我們台語人只要繼續同心協力，#台語一定會出頭天–啦！
講座最後，力玄針對不同年齡的小孩、台語程度不同的親子，各種情形去分析，提供有效的策略來幫助有心和孩子講台語的家庭去執行看看。
結束之前，我看著那張 #一條溫柔閣堅定ê台語育囝路 的圖，眼淚快掉下來。
這是一條仍未有很多人走，但是已經上路的人都很堅定的台語育兒路，誠懇邀請大家並肩而行！