對後生講Tâi-gí ê 美國觀點_台華雙語版

文、圖_A-Hîng
編、譯_Suan-san

有儂問我講:「台語佇國外,並佇台灣更加『無效』,為啥物你想欲教囡仔台語?」

我從後生出世開始對伊講Tâi-gí,到今五冬矣;佇美國先讀博士、閣食頭路,到今四冬外。欲應即ê問題,就愛對「無效」即兩字開始檢討。台灣儂欲佮美國儂交陪、盤撋、跋感情,上有效–ê就是家己ê文化,英語講到儂聽有就好。若提袂出家己ê文化來佮儂交流,英語較gâu mā無較縒。語言是文化ê皮,若無即重皮,就毋成文化;毋過咱若干焦學語言,mā干焦得着文化ê皮爾爾。捌即ê道理了後,我就毋願做一个Tâi-gí底ê華語儂抑是英語儂矣。閣再講,即世間,英語是上濟儂當做第二語言使用ê語言,美國儂定定聽着百樣奇腔怪調ê英語,早就慣勢矣。

佇我所蹛ê城市(加州 Davis),聽着別ê爸母對囡仔講英語以外ê語言,是真四常ê代誌──我捌佇公園聽着in講西班牙語、法蘭西語、華語、日本語、韓語、Tâi-gí,閣有一寡聽袂出是啥乜語。浸水式ê西班牙學仔*mā真衝。厝內干焦講英語ê朋友攏真鼓勵我對後生講Tâi-gí,有ê閣講in真欣羨阮後生有通佇厝學着無仝ê語言。佇即款環境育囝,我若毋好好仔教後生講Tâi-gí,顛倒會較奇怪。阮囝ê幼稚園leh招生真注重多元的──in班14个囡仔,干焦4个平常時佇厝內講英語。干焦有煩惱後生袂曉爸母語ê爸母,無煩惱英語–ê。
*加州Davis有十間公立小學,其中兩間是浸水式ê西班牙學仔

不而過,為着欲予阮囝講Tâi-gí,我下真濟功夫,度過重重難關,才勉強做有到。上僫過ê一關是家己ê Tâi-gí詞彙無夠。欲過即關就是愛照起工捷聽、捷講、捷讀、捷寫、捷用詞典,才綴會着囡仔ē發展。第二關是我佮阮某講華語ê習慣。阮兩个本成攏是Tâi-gí底ê華語囡仔,我對後生講Tâi-gí,伊講華語。後來發現若干焦對後生講Tâi-gí,伊ê Tâi-gí發展猶是綴袂着華語,我才認真改華語。第三關是愛揣Tâi-gí資源、Tâi-gí伴。講着這,一定愛先講Tâi-gí親子共學團。舊年佇舊金山灣區已經開一團,即逝轉來台灣閣有綴着上大、上捷聚會ê兩團:牽囡仔ê手 行台語ê路 ê線頂講古、猶有 新竹母語囡仔窟 ê冬節挲圓。向望1/8台南團頭一擺聚會順利,另逝才轉來鬥跤手。

總是,即ê第三關毋是干焦我咧拚。足濟移民爸母佇美國開錢、下功夫欲予in ê語言傳湠落去,因為欲佮美國儂競爭,家己ê文化是足大ê本錢。咱Tâi-gí底ê儂mā聽好想看覓:幔一重華語皮、甚至借一重英語皮來疊,敢有影會合軀?

新曆2022年,正月初七

➖➖➖華文版➖➖➖

有人問我說:「台語在國外,比在台灣更加『沒有用』,為什麼你想要教小孩台語?」

我從兒子出生開始跟他說台語,到現在五年了;在美國先讀博士、工作,到現在四年多。若要回答這個問題,就要先從「沒有用」這三個字開始檢討。台灣人跟美國人交往、應酬、努力爭取被對方接納。最有效的就是自己的文化,英文講得讓人可以聽懂即可。若提不出自己的文化來與人交流,英文再好也沒有用。語言是文化的皮,若不重視皮,就不成文化;不過我們只有學語言,也只學到文化的表層而已。了解這個道理之後,我就不願意做一個台語底的華語人或是英語人了。再說,這個世間,英語是最多人作為第二語言使用的語言,美國人常常聽到各種奇腔怪調的英語,早就習慣了。

在我居住的城市(加州Davis),聽到別的父母對孩子講英語以外的語言,是很平常的事情──我曾經在公園聽到他們說西班牙語、法語、華語、日語、韓語、台語,還有一些聽不出是什麼語言。浸潤式的西班牙小學也很流行。在家只講英語的朋友都很鼓勵我對兒子講台語,有的還會說他們真羨慕我兒子可以在家學到不同的語言。在這種環境育兒,我若不好好教兒子講台語,反而更奇怪。我兒的幼稚園招生,很注重多元──他們班14個孩子,只有4個在家是講英文的。只有煩惱孩子不會爸媽母語的家長,沒有在煩惱英文的。
*加州Davis有十間公立小學,其中兩間是浸潤式的西班牙小學

不過,為了讓我兒講台語,我下了很多功夫,度過重重難關,才勉強做到。最難過的一關是自己的台語詞彙不夠。若要過這一關,就要按部就班常聽、常講、常讀、常查辭典,才能跟上孩子的發展。第二關是我跟太太講華語的習慣。我們兩人本來都是台語底的華語孩子,我對兒子講台語,她說華語。後來發現若只對兒子講台語,他的台語發展還是跟不上華語,我才認真戒掉華語。第三關是要找台語資源、台語伴。講到這,一定要先講台語親子共學團。去年在舊金山灣區已經開一團,這一趟回台灣還有跟上最大、最常聚會的兩團,牽囡仔ê手 行台語ê路的線上講古、還有新竹母語囡仔窟的冬至搓湯圓。希望1/8的台南團第一次聚會順利,下次回來再來幫忙。

不過,這第三關不是只有我在拚。很多移民爸媽在美國花錢、下功夫要讓他們的語言傳承下去,因為要跟美國人競爭,自己的文化是很大的本錢。我們台語底的人也要認真想看看:披著一層華語皮、甚至借一層英語皮來穿,真的合身嗎?

新曆2022年,正月初七

編:若是對作者ê育囝生活有興趣,會使看 For • Mosa 寶包の田野觀察與實驗筆記 –ooh!