文、圖_Suan-san
佇厝避疫，逐家佮囡仔ê關係敢有啥物變化？
這站仔因為疫情ê關係，囡仔停課，我佇厝裡做工課。自囡仔八個月大以來，阮母仔囝就毋捌連紲遐爾濟工，二十四點鐘攏鬥陣。
身為職業婦女，我會對囡仔有虧欠感，歇睏時仔，囡仔叫我陪伊耍攏會盡量陪。但是這馬我愛上班就無法度矣。囡仔無適應，十分鐘就問一改「媽媽好矣未？」。共伊解說講若無趁錢咱就愛睏公園，囡仔一个就共我應「好！」，頭幾工仔我強強欲起痟。後來，囡仔有較慣勢矣，若是做工課進前認真陪伊耍，伊就有法度一个人耍歸點鐘，足配合矣！
除了囡仔學會曉家己想一寡有的無的來耍，毋免一定愛人陪以外，這嘛是按八個月大以來，上長ê全台語時間，連bàng-gah攏看台語版ê多拉A夢。另外，我嘛感覺閣較了解伊ê個性，佮伊感情變好矣，伊會家己耍了後，走來共我講真想我。
疫情雖然予阮兜生活加足艱苦，但是，若是對好ê方面想，一定會嘛會當揣著生活ê新滋味，嘛無講完全攏是損失啊！
華文版
居家防疫，大家跟孩子的關係有什麼變化嗎？
這陣子因為疫情的關係，孩子停課，我在家工作。自從小孩八個月大以來，我們母子倆就不曾連續那麼多天，二十四小時都在一起。
身為職業婦女，我對孩子會有愧疚感，放假時，孩子叫我陪他玩都會盡量陪。但是現在我要上班就沒辦法了。孩子不適應，十分鐘就問一次「媽媽好了沒？」。跟他解釋若是沒賺錢就得睡公園，他馬上回答「好！」，頭幾天我真的快崩潰。後來，孩子習慣了，若是工作前先認真陪他玩，他就有辦法一個人玩一個鐘頭，很配合！
除了孩子學會自己想一些有的沒的來玩，不一定有人陪以外，這也是從八個月大以來，最長天數的全台語時間，連卡通都看台語版的多啦A夢。另外，我也感覺更加了解他的個性，跟他感情變好了，他會自己玩完，走來跟我說很想我。
疫情雖然讓我家的生活更難過，但是，若是往好的方面想，一定也能夠找到生活的新滋味，也不完全是損失！