生活中的NG台語系列_第一集
你敢會定定聽著有人按呢講：
「你食飽矣嗎？」
「按呢你歡喜嗎？」
「；¥《#］〈*^%⋯⋯嗎？」
其實「⋯⋯嗎」這款問句，毋是咱台語原底的用法喔！「嗎」是受著華語的影響才會出現的一个語尾疑問助詞。你敢知影咱媠氣的台語，閣有足濟種方式會當來表達「疑問」？若想欲講甲較有台語氣的款，咱會使改做按怎講呢？
例一：
「你食飽矣嗎？」（
）
）→「你食飽矣未？」（
）
）→「你有食飽無？」（）
）
例二：
「按呢你歡喜嗎？」（）
）→「按呢你敢有歡喜？」（）
）→「按呢你有歡喜無？」（）
）
例三：
「這是你的嗎？」（）
）→「這敢是你的？」（）
）
例四：
「這是紅色的嗎？」（）
）→「這是紅色的，是毋？」（）
）
例五：
「這是你的嗎？」（）
）→「這是你的–nih？」（）
）→「這是你的–hioh？」（）
）
你敢閣知影有啥物款的方式嘛會使來表達疑問句？歡迎逐家來留話分享喔！逐家鬥陣來將咱上媠氣的台語共講倒轉來
［華譯］
你會不會常聽到有人用台語說：「⋯⋯嗎」？事實上「⋯⋯嗎」這種問句，並非台語原先的用法，而是受到華語影響方出現的一種語尾疑問助詞「嗎」。台語如此優美，一定還有許多用法也能同樣表達「疑問」。倘若你也想把台語講得比較道地，還能改成怎麼說呢？（見上例）
你還知道什麼其他表達疑問的方式嗎？快來和我們留言分享！大家一起把優美的台語學回來吧～