文/圓仔花台語共學Ông Ngá-lîng
台文翻譯：Ông Ngá-lîn
台文顧問：陳豐惠 老師
無仝文化隨人安身立命的共生力
身為台語阿母，我無按算欲予囡仔成做一个干焦使用台語孤項語言的人；顛倒我會鼓勵囡仔以家己的母語為本，穩健向外生湠。徛予在，認捌家己是啥人，腹腸放予開闊，去熟似佮尊重無仝的文化。
頭拄仔那摺衫那和阮查某囝佇咧開講：「妳敢知，美國人按怎講規工坐佇膨椅頂看電視的人？in會講按呢的人是couch potato, 就是膨椅頂的馬鈴薯。」阮查某囝聽一下起愛笑，笑咍咍。
我紲落去講：「毋閣in袂講『膨椅頂的一碗飯』，是按怎呢？」她聽了笑甲愈歡喜，我講：「因為美國人定定食馬鈴薯，咱臺灣人定定食的是白米飯。佇in 的 語言內底，就會出現馬鈴薯，較無講著白米飯。若是講轉來咱的台語，咱就會講『食飯皇帝大』、『食米毋知米價』，著無？」
紲落去我閣講著沙拉的例，阮查某囝想著日本擛手貓仔的例，阮做伙討論佇無仝語言文化內底就會有真濟無仝款的元素（毋過其實我講甲無蓋清楚，有閒會當閣揣一寡資料來開破予伊聽）
閣來我講：「親像華語嘛是啊，阿母感覺妳會曉台語和華語，妳是一个自由的人，會當和無仝款的人講話呢！像咱去紐西蘭，咱嘛會和人講英語啊！」
講起來英語和華語咧講的人較濟，敢若較有法度和人比並。
是按怎毋通共台語放捒咧？
我咧想講，台語內底有誠珍貴的文化資產，台語是咱爸母咧講的話，學會曉講台語，就敢若咧認捌家己佮故鄉仝款。認捌家己是啥人，凡勢就愈會曉欣賞家己，接納（tsiap-la̍p）家己，理解家己；閣來，嘛會愈知影家己的性。了後，佇咧佮人鬥陣的時，會曉好尊重別人，掠著和人交陪的鋩角。（毋是講會曉講台語的人攏捌這个道理，有的人有咧講台語，煞毋知影好欣賞台語的好）
我本身是較致重無仝文化共存，互相合作， 好來好去，隨人安身立命的「共生力」。這款的共生力，在我看是較好過四界欲揣人拚輸贏的「競爭力」。
到今，台語佇咱的社會煞變成一个有敢若無的物件，誠濟人甘願無愛講台語，毋過in略略仔知影台語是家己的爸母、阿公阿媽咧講的話，講起來嘛算是家己愛會曉的語言？ 甚至in原仔有注意著台語佇生活中不時攏會看著、聽著。
有真濟人一世人攏咧講台語，越頭煞甘願佮家己的囡仔講彼款袂啥輾轉的華語。
我捌佇路的拄著誠濟大人聽著阮囡仔台語講甲遮爾好勢，攏會那感慨那講：「阮兜的囡仔攏袂曉台語，恁按呢做真好！」越頭又閣咧佮伊的囡仔講華語，敢毋是真無彩？
凡勢in是講慣勢矣，改袂過來。猶有啥物原因？敢講話若欲講透機，就愛來講著咱台灣規社會心內自卑的問題？
做人的老母，我想會到的干焦是我欲按怎牽教家己的囝。我向望會當培養囡仔熟似母語，看會起家己的文化。毋但按呢，閣通好跤步踏予在，行出去，欣賞佮學習無仝的文化。
若欲按怎，我就對家己來做起。
📌補充第一條：講著親情朋友的台語，我有想著一層代誌。我熟似一位原住民朋友，伊見擺看著我，就會家己佮我講台語，而且伊的台語講甲蓋輾轉；佇咧邊仔有人聽聽咧若咧講笑按呢講：「伊是原住民啦！莫佮伊講台語！」毋過我共伊好禮仔笑一下，就無ka插矣。
曷都台語無人講是限定台語母語的人才會當講啊，若對台語有趣味，會曉講，想欲講，愈濟人講愈好啊！這就敢若講真濟歐洲的人母語毋是英語，毋過猶是誠濟人咧講英語仝款啊！
📌補充第二條：我有時嘛是會台語講了無蓋輾轉（正確來講是定定啦囧），不而過咱詳細共想看覓，咱華語遐gâu講，彼是咱佇學校受華語教育幾若十冬按呢訓練起來的呢，台語無按呢的環境啊！
台文嘛是按呢，我佇咧學台文的時，會小可仔礙虐，毋過台文老師講：「華文其實嘛真僫咧學，敢若講咱自細漢咧學，免講嘛gâu寫gâu講。」
若準彼當陣台語無hőng（予人）禁，無定著咱學校咧教的是台文，毋是華文呢！
閣再講，咱咧用的漢字，毋是干焦華文咧用，親像日語嘛有咧用漢字。漢字，毋是限定干焦會當用華語來唸，台語嘛聽好來唸。
尤其是台語和客語其實較早過華語，台文字嘛早過華文。講照實的，禁台語進前，咱台灣講台語的讀冊人攏嘛是用台語咧交流，大學內底的教授嘛用台語咧教冊。
總講一句，咱台語有影會因為時代變化造成咱無遐爾有才調講偌爾輾轉的台語，毋過咱猶是有法度好改善，上台文課，捷聽捷講，加向序大人學等等，撇步滿四界，肯學，就會愈來愈進步喔
不同文化各自都能安生立命的共生力
身為台語阿母，我並不打算讓孩子成為台語單一語言使用者；反而，是以自己的母語為根基，穩穩地向外擴張。站穩根基，認識自己，同時有廣大的胸懷，去認識與尊重不同文化。
剛才一邊折衣服，一邊跟女兒聊天：「妳敢知，美國人按怎講規工坐佇膨椅頂看電視ê人？in會講按呢ê人是couch potato, 就是膨椅頂ê馬鈴薯。」女兒聽了覺得好笑，一直咯咯笑個不停。
我繼續說：「毋閣in袂講『膨椅頂ê一碗飯』，是按怎呢？」她聽了笑得更開心，我說：「因為美國人定定食馬鈴薯，咱臺灣人定定食的是白米飯。佇in ê 語言內底，就會出現馬鈴薯，較無講著白米飯。若是講轉來咱ê台語，咱就會講『食飯皇帝大』、『食米毋知米價』，著無？」
接著，我又舉了沙拉的例子，女兒則是想到日本招手貓的例子，我們一起聊聊不同文化，在語言裡頭就會蘊涵許多不同的元素（但其實我講得蠻模糊，可以找時間再做點功課跟她分享）。
然後我說：「親像華語嘛是啊，阿母感覺妳會曉台語和華語，妳是一ê自由ê人，會當和無仝款ê人講話呢！像咱去紐西蘭，咱嘛會和人講英語啊！」
英語和華語使用者多，似乎比較有「競爭力」。
為什麼台語不能放棄呢？
我想到的是，台語蘊藏珍貴的文化資產，而且是我們的父母使用的語言，學習台語，就是認識自己與故鄉。認識自己，就能進一步欣賞自己，接納自己，理解自己，然後多點知道如何和自己相處。於是，也能尊重他人，較知道如何與他人相處。（並非指講台語的人都懂得，有的人講台語，卻無法欣賞台語）
比起競爭力，或許我更看重與不同文化共存，互相合作，祝福各自都能安生立命的「共生力」。
如今，台語在社會成了一個若有似無的存在，大多數的人選擇不講台語，卻隱隱約約知道台語是自己的父母、阿公阿媽的語言，也該是自己的語言？甚至台語充斥在生活中，隨處可見。
許多台語慣用者，一輩子講台語，轉頭卻對自己的孩子說著不輪轉的華語。
我在路上遇到許多大人，聽到我的孩子講著流利的台語，會感慨地說：「阮兜ê囡仔攏袂曉台語，恁按呢做真好！」可惜，轉頭又和孩子講華語。
可能是已經習慣了，還有什麼其他的原因？會不會牽動的是整個臺灣社會深深的自卑感？
做為一個母親，我能思考的是我想帶給孩子什麼教育。我想要 #培養孩子熟悉母語，認同自己的文化。同時，也能穩健踏出去，欣賞與學習不同的文化。
我可以先鼓勵自己這樣做。
📌補充1：關於親友的台語，想分享一個經驗。我認識一位原住民朋友，她每次看到我都主動跟我講台語，而且台語超流利；旁邊有人聽了半開玩笑對我說：「她是原住民啦！不要跟她講台語！」可是我報以禮貌微笑，並沒有理會那個人。
因為台語不限定母語人士才能講啊，只要喜歡台語，會講，願意講，多多益善。就像是歐洲人的母語不是英語，但是很多人都在使用英語一樣。
📌補充2：我也會有台語講得不好的時候（應該說是常常囧），可是想想看，我們的華語表達得好，是因為我們接受了華語幾十年正規的學校教育訓練而來，台語並沒有這樣的環境。
台文也是，當我在學台文的時候，覺得不習慣，但台文老師說：「華文其實也很難學，只是我們從小在學，當然現在已經很熟悉了！」
如果台語當初沒有被禁，說不定我們學校教的是台文，不是華文呢！
而且我們使用的漢字，並非華文專屬，就像日文也會用到漢字。漢字，不是非得用華語發音的，台語也可發音。
尤其，台語、客語，其實歷史比華語更為淵遠，台文字也比華文更早出現。事實上，禁止台語前，我們臺灣講台語的高知識份子，都是用台語在交談，大學教授也用台語在教書的。
總之，我們的台語，確實可能因為時代造就我們台語能力不足，可是我們還是能夠把它補起來的。上台文課、多接觸、多跟長輩學等等，管道眾多，會越來越進步喔❤️