文：A-hôa
我成長的背景是「爸母共我講台語，我用華語共in回」，相信真濟人攏佮我仝款。毋過，看吳念真導演的電視訪問了後（註1），佇阮囝兩個月的時，我決定欲佮伊鬥陣「共台語講轉來」。
決定開始全台語的頭一工，我抱囡仔行去客廳，想欲用台語介紹佇客廳的物件，毋過我干焦會曉「桌仔」，連「電火」嘛講袂出來，了後，規个人就愣去，講袂出話來。
我一直叫是我會曉講台語，到今才知影我的台語能力根本就漚糊糊矣。既然已經決定矣，就佮囡仔鬥陣來拍拚學台語。
以下是我學台語的過程：
1.聽台語廣播電台。捘（tsūn）收音機捘足久的，總算揣著一个適合我程度的電台「寶島聯播網FM98.5」，佇厝裡攏會放出來聽，增加台語詞彙量，毋過聽一年了後，發現in的華語傷濟矣，就改聽別的台語電台抑是台語CD，來維持全台語的環境。
2.若是有袂曉講的台語詞，就隨問序大人，抑是用網路查「台語辭典」（註2）聽發音。我佇這个時陣猶袂曉讀羅馬字，干焦會當硬共台語發音記起來教囡仔。
3.買台語囡仔歌CD放予囡仔聽，除了會當創造台語環境，嘛會當增加家己的台語詞彙量，親像：簡上仁老師的「來唱囝仔歌」1-6冊，是經典內底的經典，冊內面的台語詞彙量誠濟。
4.朋友的一句話，予我決定阮翁仔某講話嘛著愛用台語。寢（tshím）開始講甲足無輾轉的，閣予阮翁恥笑講我煞害伊顛倒袂曉講台語矣；毋過我共伊講：「就是袂曉講，才愈愛講，敢毋是？」
5.參加台語野餐，用「全台語」佮別人開講，嘛予囡仔用全台語佮別的囡仔講話。
6.佇生活中漸漸使用「全台語」，親像：買物件、寄批、予醫生看……等等。拄開始會有心理障礙，毋過若是看著徛佇邊仔的囡仔，就會想著：佇厝內底講台語，佇外口講華語，按呢就共台語縛踮厝內矣，毋就佮學生時代予人要求佇學校干焦會當講華語仝款？所以我開始沓沓仔消除障礙，到尾仔就干焦去會曉講台語的店交關矣。
7.佇囡仔2歲10個月的時，我感覺袂當干焦閣用聽的來學台語發音，而且後擺嘛想欲教囡仔認捌羅馬字，才決定去「台北雙連教會」學教會羅馬字（白話字）。（註3）
8.加入佮台語有關係的面冊社團，增加台語的智識佮能力，親像：台語社、對囡仔講台語、台灣話資料交換所⋯等等。
寢開始，我連「襪仔」佮「麥仔」、「果子」佮「瓜子」攏分袂清楚（註4），這馬阮囝3歲6個月矣，阮一家口仔三个人的台語攏真輾轉囉。
愛囡仔開喙講台語，爸母其中一个一定愛「全台語」佮囡仔講話，若是爸母攏佮囡仔講台語，彼是上好（像阮兜按呢），若真正無法度，只要有一个人用全台語佮囡仔講話，囡仔嘛會使講甲真好。
你敢佮我仝款，台語講甲真漚古？
你敢佮我仝款，干焦會曉聽台語煞袂曉講？
我佮阮囝會當同齊共台語講轉來，你佮恁囝嘛一定會使。
台語路，咱來鬥陣行！
———
（註1）吳導佇專訪的時陣講，《多桑》這齣電影是咧講in老爸。In某攏佮in後生講華語，因為伊定定無佇咧，in囝煞干焦會曉講華語，袂曉台語矣。In老爸干焦會曉講日語佮台語，有一改伊tshuā in囝轉去祖厝，公孫仔兩个人佇客廳坐真久攏無講話，in老爸落尾共伊講：「兩个台灣人，生ㄧ个外省仔囝。」
《多桑》影片52:20-53:25
（註2）佇網路頂查的台語辭典
．台文中文辭典
http://ip194097.ntcu.edu.tw/q/q.asp
．台日大辭典台語譯本
http://taigi.fhl.net/dict/
．教育部台語常用辭典
http://twblg.dict.edu.tw/holodict_new/default.jsp
（註3）家己學台文會當用的網路資源
．白話字基礎教學（全24部）
．查台語詞典 ê 法度
．白話字輸入法介紹
（註4）台北腔：「襪仔」=「麥仔」
把台語講回來
文：A-hôa
我的成長背景是「父母對我講台語，而我回華語」，相信很多人的情形跟我一樣。但因為看到吳念真導演的一個電視專訪（註1），我在孩子兩個月大時，決定跟他一起「把台語講回來」。
決定講全台語的第一天，我抱著孩子走到客廳，想用台語介紹客廳的物品，但我只會講「toh-á 桌仔」，連台語的「電火（電燈）」也想不起來，之後，就只能呆呆地看著客廳，說不出話來。
這讓我醒悟到，我以為我會講台語，但我的台語其實已經殘破不堪。既然下定決心了，就跟孩子一起把台語努力學回來。
以下是我學習台語的歷程：
1. 找台語廣播電台來聽。收音機轉來轉去終於找到一個程度適合我的FM98.5「寶島聯播網」，在家的時間都會放出來聽，以增加台語詞彙量，不過聽了一年後，發覺FM98.5的華語過多，之後轉聽其他台語電台或只聽台語CD，以維持全台語環境。
2. 遇到不會講的台語字詞，就立即問長輩、或上網查「台語辭典」（註2）聽發音。此時的我還不會台語羅馬字，只能硬記台語發音來教孩子。
3. 買台語兒歌CD給孩子聽，一方面創造台語環境，另一方面也增加自己的台語詞彙，例如：簡上仁老師的「來唱囝仔歌」1-6冊，是經典中的經典，裡面的台語詞彙量非常多。
4. 因為朋友的一句話，讓我決定夫妻間對話也要全台語。一開始講得很「無輾轉」，還被先生嘲笑：跟我講台語，讓他變得不會講台語了；但我跟他說：「就是袂曉講，才愈愛講，敢毋是？」（就是不會講，才越要講，不是嗎？）
5. 參加台語野餐，用「全台語」跟其他阿母聊天，也讓小孩用全台語跟其他孩子對話。
6. 日常生活中，漸漸使用「全台語」，例如：買東西、寄信、看醫生….等。剛開始有心理障礙，但看著站在身旁的孩子，想了想：如果在家講台語，出去講華語，這樣的邏輯變得把台語侷限在家中，不就又回到求學時被要求只能在學校講華語一樣？於是我開始一間店一間店慢慢突破障礙，到後來就只去會講台語的店家消費了。
7. 在孩子2Y10M時，因為覺得只聽台語學發音不是辦法，也想在未來教孩子台語羅馬字，遂決定去「台北雙連教會」學習教會羅馬字（白話字）。（註3）
8. 加入台語相關的臉書社團，以增加台語知識與能力，例如：台語社、對囡仔講台語、台灣話資料交換所⋯等。
我從剛開始的「boe̍h-á 襪仔」佮「be̍h-á 麥仔」、「kóe-chí 果子」佮「koe-chí 瓜子」分不清楚（註4），到現在孩子3Y6M，已能用全台語跟我及阿爸對答如流。
想要孩子開口講台語，最重要的是，父或母一定要有一個人用「全台語」跟孩子對話，兩個人講全台語當然是最好的（我家就是），不過當家庭情況不允許下，一個人用全台語跟孩子對話，孩子也能講出流利的台語。
你的台語跟我一樣破嗎？
你的台語跟我一樣，只會聽不會說嗎？
我跟孩子可以一起「把台語講回來」，相信你跟孩子也可以。
台語路，咱來鬥陣行～
———
（註1）吳導在專訪中說，《多桑》這部電影是在講他的父親。他的妻子跟兒子講華語，他常常不在家，兒子變得只會講華語，不會台語。由於父親只會講日語跟台語，有次他帶兒子回老家，客廳只有孫子跟阿公，兩個人坐著很久都沒講半句話，他父親之後跟他說：「兩ê台灣人，生ㄧê外省仔囝。」
《多桑》影片52:20-53:25
（註2）網路台語辭典
．台文中文辭典
http://ip194097.ntcu.edu.tw/q/q.asp
．台日大辭典台語譯本
http://taigi.fhl.net/dict/
．教育部台語常用辭典
http://twblg.dict.edu.tw/holodict_new/default.jsp
（註3）自學台文網路資源
．白話字基礎教學（全24部）
．查台語詞典 ê 法度
．白話字輸入法介紹
（註4）台北腔：「襪仔」=「麥仔」