佮6歲的後生做伙共台語抾轉來
文：淑婷（台語路經驗分享會參加者）
台文翻譯：TWkid
台文顧問：陳豐惠 老師
假使咱這馬越頭轉去看，會智覺著國民黨過去50年來予台灣的是相連紲的錯誤佮傷害，若按呢，咱欲thài會使接受繼續干焦使用國民黨當初規定的「國語」？
假使這馬已經無予人禁止講家己的母語、袂閣予人處罰，是怎樣咱欲閣用國民黨強迫台灣人使用的語言講話咧？社會活動、學校教育一時半刻猶無才調改變，毋過咱若佇厝裡和囡仔講話咧？和朋友鬥陣咧？
我就是徛佇這款毋順趁的心理，開始佮囡仔講台語。
六冬前我的後生出世，拄咧學講話的時，我捌拍拚一站仔，毋過彼當陣無夠堅定，華語台語濫咧講的結果，就是佇咧阮囝兩歲了後語言大爆發，我的台語程度煞綴袂著，姑不而將愛使用大量華語，閣所踮的育囝支持團體嘛是以華語為主，台語隨就擲對邊仔去。
兩冬前查某囝出世，我感覺台灣社會講台語的家庭變濟，身軀邊嘛有幾若个家庭真拚勢咧佮囡仔講台語，囡仔閣不止仔gâu講！無應當我做袂到才著！
所致，自查某囝六個月大，我開始佮伊全母語，彼時猶無五歲的後生感覺捎無摠，定定聽無阮咧講啥物，伊會受氣，無就是閣問一擺，希望阮講華語。
這段日子，便若伊有疑念，我就開時間共伊解說，台灣本底是有真濟本土語言佇咧，無仝族群的人講無仝款的話，嘛共伊說明過去政府是用啥物方式推捒官方語言，來取代本成徛佇這塊土地懸頂的人四常使用的語言，而且閣牽連著咱人佇文化、經濟、學習各方面攏受著影響。
不而過我的台語程度嘛猶是譀譀仔爾，差不多攏是育紅嬰仔食睏搦屎尿的對話。一直到今年年初開始學台語羅馬字書寫，才正經有認真學、綿爛講。面對猶原慣勢華語溝通的大漢囝，我無強迫伊改用台語，毋過伊會使聽著日常的對話就是台語，毋通造成伊對學習語言起反感，是朋友予我的提醒。
今年熱–人，阮囝對幼稚園畢業，開始國小自學，長時間佮媽媽、妹妹鬥陣的結果，是台語有明顯的進步，對寢頭仔用孤一个詞，到出現簡單的語句，嘛毋知對啥物時陣開始，阮囝雖然猶閣佮我講華語，毋過若越頭看著妹妹，竟然就直接拍開台語頻道！
這層代誌予我真受鼓舞！嘛更加堅持目前的方向，語言是抾會轉來的，阮囝開一冬的時間，共伊對做紅嬰仔的時聽著的台語沓沓仔揣倒轉來，抑若我就開三四冬的工夫，共拋荒上無已經30年的台語閣講倒轉來。
是按怎欲講「抾轉來」，毋是學台語？因為我的頭殼內會自動puh出來做囡仔的時，爸爸媽媽是按怎佮我講台語的，一時間，我語句的結構就毋是華式台語，顛倒開始進步成做台式台語矣（當然猶是有轉踅袂過來的時陣），這款感覺有影足神奇，好親像是去眠夢著家己雄雄英語變甲足láu按呢，差別是，台語袂變做一場空夢。
我講台語的場合嘛漸漸擴大。頭仔干焦踮厝內講台語，這馬tshuā囡仔出外嘛和店員、郵局人員、過路人講台語，我無希望囡仔認為台語是獨獨佇咧家庭內底溝通的工具，是小眾、較無路用的。當囡仔看著媽媽會使（ē-sái）用台語進行各種社會交際，就會用得理解，這个語言的價值以及社會地位應該和華語相當，嘛佮其他的外來語相當。
雖然按呢做，人定定會來問講：「囡仔是毋是阿公阿媽咧tshuā，聽無國語？」我總–是幌頭否認，強調阮就是台語家庭，無仝的是，這馬我總算共較早感覺無自在的心情放挕捒，轉變做「恁敢知影遮的代誌攏會用得用台語講？」的新想法。
這幾日，朋友共我提醒，我開始用台語教小學一年仔的囡仔學習，注音、寫字是華語系統，我就仝款用華語教學（用英文學英文的概念），若數學這種愛設法生活化學習的科目，我盡力用台語去講解。佇動物園、科教館的展覽，有法度代先查、做功課的，我就前一暝查好勢，現場拄著袂曉講的，我就現場查。
認真查字的好處，就是幫贊家己學著真濟本來袂曉的字詞，原來「鯪鯉（lâ-lí）」通講是『穿山甲』（華）嘛通講是『食蟻獸』（華）；『紅鶴』（華）是「朱鷺（tsu-lōo）」，我感覺足媠。我常在共囡仔講：「予媽媽查一下。」，in勻仔聽候，嘛知影媽媽當咧拍拚佮in學習仝一種語言。
我看待一个語言的價值，毋是在伊有偌濟人咧用（通用性固然重要，但是毋通袂記–得，華語就是目前上濟人使用的語言，閣英文英語，咱的教育系統嘛攏備辦甲真齊全），語言的價值是看重：敢會使理解伊所包含的文化意義，以及敢會使予眾人深入活用。
設使台語（以及其他台灣本土語）真正會佇50年後滅亡好矣，予囡仔有機會會當學習使用一个得欲滅亡的語言，未來就可能佇復興、保存頂頭有所發揮，按呢共想，就感覺咱講台語的囡仔比別人閣較有競爭力，敢毋是？
和6歲的兒子一起把台語撿回來
如果我們現在回頭看，覺得過去國民黨50年帶給台灣的是一連串的錯誤與傷害，那麼我們怎麼能夠接受繼續只使用國民黨當初規定的「國語」？
如果現在講自己的母語已經不被禁止、不再處罰，為什麼我們還要用國民黨強迫台灣人使用的語言說話呢？社會活動、學校教育一時之間還無法改變，但我們在家裡與孩子說話呢？和朋友對話呢？
我是抱著這樣不服從的心理，開始和孩子說台語。
六年前兒子出生，開始學講話時，我曾努力過一陣子，但當時不夠堅定，華語台語交雜的結果，是兒子兩歲後語言大爆發，我的台語程度跟不上，只好大量使用華語，所處的育兒支持團體也是以華語為主，台語立刻被丟到一旁。
兩年前女兒出生後，我感覺台灣社會說台語的家庭變多，身邊也有幾個家庭努力和孩子說台語，孩子還說得非常好！沒道理我做不到啊！
於是，女兒六個月大後，我開始和她全母語，當時已經快五歲的兒子十分困惑，常常聽不懂我們在講什麼，他會生氣或是再問一次，希望我們講華語。
這段日子，每當他有疑惑，我就花時間和他解釋台灣本來是有很多本土語言的，不同族群的人說不同的話，也說明政府如何推動官方語言，取代了原本這塊土地生活的人習以為常的語言，連帶的，讓人們在文化經濟學習各方面都受到影響。
但我的台語程度還是很馬馬虎虎，僅限於與嬰兒的吃喝拉撒睡對話。直到今年初開始學台語羅馬字書寫，才真的認真學、努力說。對於還是習慣華語溝通的大兒子，我不強迫他改用台語，但他可以聽到日常對話就是台語，不要造成他對學習語言的反彈，是朋友給我的提醒。
今年夏天，兒子離開幼兒園，開始國小自學，長時間和媽媽、妹妹相處的結果，是台語明顯進步，從一開始單詞使用，到出現簡單句子，不知道什麼時候開始 ，兒子還是和我說華語，但轉頭看到妹妹，竟然直接開啟台語頻道！
這件事情讓我大為振奮！也更堅持目前的方向，語言是可以撿回來的，兒子用一年的時間，把嬰兒時期聽到的台語慢慢找回來，而我用了三四年的時間，把荒廢至少30年的台語撿回來。
為什麼用「撿回來」，不是學台語？因為我腦袋會自動冒出童年時爸媽怎麼跟我講台語的，突然我的句子結構就不是華式台語，而是開始進步到台式台語了（當然還是有轉不過來的時候），這種感覺真的很神奇，大概就是夢裡突然變得英文流暢一樣😆 差別是，台語不會直至是一場空。
我說台語的場域也慢慢擴大。一開始只在家說台語， 現在帶著小孩外出也和店員、郵局人員、路人說台語，我不希望小孩認為台語是僅限於家庭內溝通的工具，是小眾、較無用的。當小孩看著媽媽能以台語進行各種社會交際，就能理解，這個語言的價值與社會地位應該與華語相當，與其他外來語相當。
雖然這麼做常常被問「小孩是不是阿公阿嬤帶，聽不懂國語？」我總是搖頭否認，強調我們就是台語家庭，只是我終於放下了曾經覺得不自在的心情，轉變成「你們知道這些事都可以用台語說嗎」的新想法。
這幾天，在朋友的提醒下，我開始使用台語教小一的孩子學習，注音、寫字是華語系統，我還是以華語教學（用英文學英文的概念），但數學這種設法要生活化學習的科目，我努力以台語去講解。在動物園、科教館的展覽，能事先查好做功課，我就前一晚查好，現場遇到了不會說的，我就現場查。
認真查字的好處，就是幫助自己熟記了許多不會的生字，原來「鯪鯉（lâ-lí）」可以是穿山甲也可以是食蟻獸；紅鶴是「朱鷺（tsu-lōo）」我覺得很美。我常常跟小孩說：「讓媽媽查一下。」他們等候著，也知道媽媽正努力和他們學習同一種語言。
我看一個語言的價值，不是在於多少人用（通用性當然重要，但別忘了中文就是目前最多人使用的語言，而英文語我們的教育系統也不會輕易放過）語言的價值在於能不能理解其涵蓋的文化意義，以及是否能被人們深入活用。
假設台語（以及其他台灣本土語）真的會在50年後滅亡好了，讓孩子有機會學習使用能夠一個即將滅亡的語言，未來就可能在復興、保存上有所發揮，這樣想不覺得講台語的孩子超有競爭力嗎？
*
（圖）上週參加「台語路」活動，兒子竟然主動參與活動還以台語應答，我愛他❤️
讓我以這一篇簡單的台語家庭心內話，感謝「牽囡仔ê手 行台語ê路」。