查某囝tshuā我行台語路
我有兩个囡仔，阮查某囝佇2013年10月出世，阮囝佇2016年8月出世。
有一改佮親情鬥陣食飯的時，阮查某囝雄雄問講：「恁咧講啥？我哪會攏聽無？」我才發覺著阮大人雖然是用台語講話，煞無人佮囡仔講台語。
彼時阮查某囝差不多三歲外，予伊點醒了後，阮囝自出世我就開始佮伊講台語，毋過，因為阮查某囝已經誠gâu講華語，我驚伊聽無台語會反抗，就無對伊講台語。自按呢，我開始我的雙語人生：對細漢的講台語、對大漢的講華語。
想袂到，各種煩惱，開始台語路共學了後，這號狀況開始轉變矣！
寢開始，我干焦tshuā細漢的參加共學，沓沓仔佮共學團的朋友培養出感情了後，為著會當佮這陣朋友鬥陣堅持行台語路，我開始佮大漢的講台語，通好嘛tshuā伊做伙去共學。
對我來講，參加共學毋但是替囡仔招囡仔伴，予in那耍那學、做伙大漢爾爾，這个團體內底的大人會當互相支持、鼓勵，予我閣較有動力繼續參加落去。
共學的朋友予我了解著環境的支持對語言有偌重要，我真緊就決定開始佮囡仔用全台語。
拄開始講台語的時，阮查某囝完全聽無，毋閣，佳哉伊對台語真有興趣，我就講一句台語配一句華語來翻譯，齊勻仔講台語，沓沓仔等她家己願意開喙講台語，較袂「食緊挵破碗」。
凡勢是伊聽我佮細漢的講台語有一段時間矣，伊對語言轉換並無遐爾排斥的款。一開始，伊會佇我佮細漢的講話的時，問講：「你共小弟講啥？」後來，細漢的開始學講話，伊嘛會足歡喜講這句伊嘛會曉！學台語變做足心適的代誌！
大漢的開始參加共學了後，有囡仔伴鬥陣講台語，伊漸漸願意開喙講台語，若是有袂曉講的字，閣會來問我：「這字台語按怎講？」若是我嘛袂曉，伊知影：「會當查字典，猶是問共學團的阿姨！」
無偌久，伊主動講欲講古予共學團的朋友聽！伊用無蓋輾轉的台語講古，毋閣攏袂懍場，誠勇敢徛佇頭前講話，我有夠歡喜的！幼囡仔對講古的囡仔姊嘛真捧場，逐家做伙認真研究繪本的內容，實在是誠媠、予人誠感動的畫面！
華語是強勢語言，各種資源攏比其他語言閣較濟、閣較好揣，若是我毋熟似這寡台語路朋友，應該早就放棄講台語矣。
學萬項代誌攏無短路通行，「未曾學行先學飛，未曾掖種想挽瓜」是無可能成功的！有這寡台語朋友做伙行台語路，誠實有夠讚！
女兒帶我走上台語路
我有兩個孩子，女兒102年10出生，兒子105年8月
在一次家庭聚會中，女兒突然問：「妳們在說什麼？我都聽
那時女兒大約三歲多，被她一語點醒後，兒子一出生我就開
沒想到，種種的擔心，在遇到台語路共學後，竟然出現轉機
一開始，我只是帶著弟弟參加共學，但慢慢和共學夥伴培養
對我來說，參加共學不只是幫孩子找玩伴、讓他們可以在玩
由於從夥伴身上了解到語言需要環境的支持，所以，我很快
此時，華語早已經是女兒熟悉的語言，剛開始加入台語的時
後來想想，或許是因為她已經聽我和弟弟講台語好長一陣子
開始帶老大參加共學後，有了同儕團體的吸引力，她漸漸願
沒過多久，她甚至主動表示要說故事給共學的大家聽！看著
華語是強勢主流，相較起來資源豐富、容易取得的多，如果
我想，任何學習都沒有捷徑，只有不斷的努力，語言也是，