文：A-hiân
台文翻譯：TWkid
台文顧問：陳豐惠 老師
創台語環境，老母家己來——
一个「為囡仔讀台語畫本、用台語唱歌𨑨迌、嘛用台語和朋友冤家、相爭𨑨迌物仔」的台語親子共學。
母語，上要緊的是爸母愛佮囡仔講，若欲愛予一个語言通健康生湠、湠予完整，咱閣較向望，台語毋但是踮厝裡講，閣應該愛予囡仔通用來和囡仔伴耍、用來認捌這个世界的語言。
為著欲佇華語占贏（甚至外國語閣比咱本土語言較有勢面）的大環境內底創造閣較濟的台語空間，一陣阿母合作促成這个「台語囡仔共學團」。
無特別走揣聘請師資，遮的阿母家己排班，輪流備辦適合囡仔的活動，逐禮拜固定鬥陣唱歌、讀畫本，嘛根據主題設計做手工藝、活動身軀，其實，欲耍啥物攏好，干焦有一个上主要的原則，就是愛「全台語」。
共學活動的安排，一方面是主動提供囡仔「耍」的材料，一方面嘛予大人有精進台語的機會。
譬論講，畫本掀開，毋是清清照字翻譯就是台語，台語有真濟佮華語無相仝的語法，若是優良的畫本閣愛講究文學性。所致，咱向望，用台語來讀畫本，毋是單單使用家己現有／有限的詞彙看圖講故事爾，反倒轉來，愛予伊成做咱大人開展家己台語能力的工具。
不而過，台語講還講，一个團體上重要的猶是內面的「人」。囡仔人鬥陣百面攏會衝突起冤家，按怎陪伴囡仔處理，閣有大人家己按怎看待，嘛是共學家庭需要同齊學習的重要工課。
所以，逐擺共學的空白時間，囡仔家己耍in的，阿母就佇邊仔做伙討論畫本的翻譯，以及研究囡仔相處的狀況，當然，話仙破豆、相伨鼓勵嘛是一定愛的啦！無論怎樣，所有的話語溝通攏用台語進行，對大人來講，嘛是一種練習和仝沿的用母語開講議論、交換想法的機會。
當佇咧台語強欲拍無去的這个天年，咱有體會：參考「語言岫（註）」的概念，建立「全台語環境」，對保存佮延續這个語言有伊的必要性。若希望這个擔領咱土地記憶佮文化的語言通好有活命，按呢，24點鐘參咱的囡仔講母語，只是一个開始，咱猶需要幫贊in佮咱家己，創造閣較濟的台語空間。
（註）1982年，New Zealand（紐西蘭）的毛利族（Māori）面對母語滅絕的危機，in自發來建立連結家庭-鄰里-社區的「母語幼稚園」，請會曉講母語的序大來牽教學齡前的幼囡仔，這就是「語言岫（Kohaga Reo）」。母語是佇母語幼稚園內唯一使用的語言——不管時無論是訪客、督導攏著愛遵守「囡仔所聽的佮所講的攏愛是毛利語」的規定。這个策略，對改變語言流失的趨勢真有效果。（資料來源：https://goo.gl/Fpt6eh）
創台語環境，老母家己來——
一個「為孩子讀台語繪本、 用台語唱歌遊戲、也用台語跟朋友吵架搶玩具」的台語親子共學
母語，最重要的是父母要跟孩子講， 但如果一個語言要活得健康、活得完整，我們更希望，台語不只是在家裡講，還要可以是孩子用來和朋友玩耍、用來探索世界的語言。
為了在華語獨大（且外語還強過本土語言）的大環境中創造更多台語空間，一群媽媽合作促成了這個「台語囡仔共學團」。
沒有特別聘請師資，媽媽們自己排班輪流準備適合孩子的活動，每週固定一起唱歌、唸繪本，也根據主題設計手作活動、肢體遊戲，其實，要玩什麼都可以，最高指導原則只有一個，就是「全台語」。
共學活動的安排，一方面是主動提供孩子「玩」的材料，一方面也讓大人有精進台語的機會。
例如，繪本打開，不是照著字翻譯就是台語，台語有著不同於華語的語法，好的繪本還需要講究文學性。因此，我們希望，以台語共讀繪本，不只是用自己現有／有限的詞彙看圖說故事，而是讓它成為大人拓展自己台語能力的工具。
然而，台語說歸說，一個團體最重要的還是當中的「人」。小孩湊在一起必有紛爭衝突，如何陪伴孩子度過，以及大人自己如何看待，也是共學家庭需要一起學習的重要功課。
因此，每次共學的留白時間，小孩自由玩耍，媽媽們就在一旁討論繪本翻譯，以及研究孩子相處的情況，當然，閒話家常的舒壓取暖也少不了啦！無論如何，所有交談都以台語進行，對大人來說，也是一個練習與同輩用母語聊天議事、交流想法的機會。
在台語快速流失的這個年頭，我們體認到：參考「語言巢（註）」的概念，建立「全台語環境」，對保存及延續這個語言有其必要性。若希望這個承載著土地記憶與文化的語言能活下來，那麼，24小時和孩子說母語只是開始，我們還要幫他們及我們自己創造更多的台語空間。
（註）1982年，紐西蘭的毛利族（Māori）面對母語滅絕的危機，自發性地建立起連結家庭-鄰里-社區的「母語幼稚園」，由會說母語的長輩教育學齡前幼兒，是謂「語言巢（Kohaga Reo）」。母語是母語幼稚園唯一使用的語言——不管什麼時刻，訪客、督導都必須遵守「兒童所聽的及所說的都得是毛利語」的規定。這個策略，有效改變了語言流失的趨勢。（資料來源：https://goo.gl/Fpt6eh）